اوچ شریف باغی ٹی وی ( نامہ نگار حبیب خان) اوچ شریف کے نواحی علاقے رسول پور میں جمعیت علمائے اسلام اوچ شریف و عالمی مجلس تحفظ ختم نبوت کی جانب سے تحفظ ختم نبوّت کانفرنس کا انعقاد کیا گیا
تفصیلات کے مطابق جمعیت علمائے اسلام مولانا بابر علی صدیقی مولانا جلیل الرحمن عباسی کی زیر نگرانی موضع رسول پور میں عالمی مجلس تحفظ ختم نبوت کانفرنس منعقد کی گئی کانفرنس کا آغاز تلاوت قرآن پاک سے کیا گیا جسکی سعادت قاری محمد اکرم صابر نے حاصل کی گلدستہ ہدیہ نعت و ترانہ ختم نبوت ملک پاکستان کے مشہور و معروف نعت خواں حافظ عتیق الرحمن نے پیش کرنے کی سعادت حاصل کی۔
کانفرنس سے خطاب کرتے ہوئے عالمی شخصیت مولانا اللہ وسایا نے خطاب کرتے ہوئے کہا رحمت للعالمین اس دنیا میں سب سے بڑے آئیڈیل بنا کر بھیجے گئے۔ ان کی زندگی صرف مسلمان نہیں بلکہ پورے عالم میں بسنے والے تمام انسانوں کیلئے کامیابی حاصل کرنے کا قیمتی ذریعہ ہے۔ انہوں نے اپنے خطاب میں کہا کہ حضور اکرم صلی اللہ علیہ وآلہ وسلم پورے عالم کیلئے رحمت بناکر بھیجے گئے اور تمام عالم اسلام کے مسلمانوں کا حق بنتا ہے کہ تاج ختم نبوت کی حفاظت کیلئے کسی قربانی سے دریغ نا کریں۔
عوام الناس کو چاہئیے وہ اپنے کاروبار کیساتھ حضور سرور کونین صلی اللہ علیہ وآلہ وسلم کی ختم نبوت کی پہرہ داری کرتے ہوئے مشن ختم نبوت کا پیغام بھی ہر طرف جاری رکھیں۔مہمانان گرامی میں مولنا اللہ وسایا مولنا سید ابوبکر شاہ حافظ عرفان محمود برق مولنا رشید احمد عباسی مولنا سراج احمد سعیدی قاری سیف الرحمن راشدی مولنا قاضی عمر فاروق فاروقی قاری اکرم صابرنے بھی خطاب کیا۔
مقررین کا کہنا تھا کہ تحفظ عقیدہ ختم نبوت کا کام روحانی تسکین کا ذریعہ ہے فتنہ قادیانیت کی تمام چال بازی عوام الناس کے سامنے پیش کرنے کا اصل مقصد رسول اللہ صلی اللہ علیہ وآلہ وسلم کے دامن سے پختگی کے ساتھ وابستہ رہنے کی فکر دینا ہے یاد رکھیں عقیدہ ختم نبوت مسلمانوں کا بنیادی اور قیمتی اساس ہے۔جس کی حفاظت کیلئے ہر دور میں اللہ رب العالمین نے جانثاروں کو پیدا کیا ہے اور قیامت کی صبح تک یہ کاروان باغیان مصطفی کی جماعت کو بے نقاب کرتی رہے گی۔
کانفرنس سے جمعیت علمائے اسلام اوچ شریف کے جنرل سیکرٹری مولانا بابر علی صدیقی مولانا جلیل الرحمن عباسی نے بھی خطاب کیا۔
کانفرنس میں ہزاروں کی تعداد میں عوام الناس سمیت علماء اکرام نے بھر پور شرکت کی
