انگلینڈ کی ریکارڈ ساز بیٹنگ؛ ثقلین نے راولپنڈی کی پچ پر سوال اٹھادیئے

راولپنڈی:پاکستان کرکٹ ٹیم کے ہیڈ کوچ ثقلین مشتاق کا کہنا ہےکہ وہ سمجھتے ہیں کہ راولپنڈی اسٹیڈیم کی پچ تھوڑی سپورٹنگ ہونی چاہیے۔اطلاعات کے مطابق راولپنڈی ٹیسٹ کے پہلے دن کے بعد پریس کانفرنس کے دوران ثقلین مشتاق نے کہا کہ پہلے دن انگلینڈ بہرت اچھا کھیلا، ہمارے بولرز نے پلان کے مطابق بولنگ نہیں کی اور پچ میں بھی بولرز کے لئے کوئی مدد نہیں تھی۔

انگلینڈ کا پہلے ٹیسٹ میچ کے لیے پلیئنگ الیون کا اعلان

قومی ٹیم کے ہیڈ کوچ نے کہا کہ انگلینڈ کے اعتبار سے میچ کا پہلا دن تو برا اچھا رہا، انگلینڈ نے بہت زبردست کرکٹ کھیلی، پاکستان کے حوالے سے آج کا دن زیادہ اچھا نہیں رہا، آسٹریلیا کے خلاف رواں برس کے اوائل میں کھیلے گئے ٹیسٹ میچ میں بھی ایسی ہی پچ تھی لیکن میرا خیال ہے کہ پچ تھوڑی سپورٹنگ ہونی چاہیے۔

میرے پاس تجربہ ہے کسی بھی کنڈیشنز میں بالنگ کرواسکتا ہوں:برطانوی فاسٹ باولر…

پہلے ٹیسٹ کے لیے نئے بولرز کو ٹیم میں شامل کرنے کے حوالے سے ثقلین مشتاق نے کہا کہ ہمیں جو بولرز دستایب تھے ہم انہیں ہی لے کر میدان میں اترے ہیں، شاہین شاہ آفریدی ان فٹ ہیں، نسیم شاہ نے سری لنکا اور آسٹریلیا کے خلاف سیریز میں بہت اچھی بولنگ کی تھی۔ہیڈ کوچ نے کہا کہ ٹیسٹ کرکٹ میں اونچ نیچ آتی ہے، میچ کے دوران پچ کا مزاج بدلے گا اور امید ہے میچ بہت زبردست ہوگا، اللہ کرے فیصلہ پاکستان کے حق میں ہو۔

محمد نواز اور ابرار کو پلیئنگ الیون سے باہر رکھنے کے حوالے سے ثقلین مشتاق نے کہا کہ زاہد محمود ایک سال سے ٹیم کے ساتھ ہے، ہم چاہتے ہیں کہ کھلاڑی کے ساتھ انصاف کیا جائے۔ تمام ٹیم آفیشلز کی رائے پر محمد علی کو نواز پر ترجیح دی۔

پنڈی ٹیسٹ شروع ہونے سے ایک دن قبل انگلینڈ کے کپتان کی طبیعت ناساز