Home›بین الاقوامی›اسرا بلجیک ایک اور پاکستانی برانڈ کی ایمبیسیڈر مقرر

اسرا بلجیک ایک اور پاکستانی برانڈ کی ایمبیسیڈر مقرر

دسمبر 17, 2020

شہرہ آفاق ترک ڈرامے دیریلیش ارطغرل حلیمہ سلطان کا کردار ادا کرنے والی ترک اداکارہ اسرا بلجیک ایک اور پاکستانی برانڈ کی ایمبیسڈر بن گئیں۔

باغی ٹی وی : اسرا نے رواں برس دئے ایک خصوصی انٹرویو میں انکشاف کیا تھا کہ وہ جلد ہی پاکستان کے 3 معروف برانڈز کے ساتھ کام کا آغاز کرنے والی ہیں تاہم اس حوالے سے انہوں نے مزید تفصیلات بتانے سے انکار کردیا تھا۔

بعدازاں ترک اداکارہ نے رواں برس جولائی میں اسمارٹ فون کمپنی کیو موبائل کی برانڈ ایمبیسڈر بننے کا اعلان کیا تھاجس کے بعد وہ جولائی ہی کے مہینے میں پاکستانی موبائل کمپنی جاز کی بھی برانڈ ایمبیسڈر بنی تھیں۔

اور اب حال ہی اداکارہ نے پاکستانی برانڈ ‘کھاڈی’ کے خصوصی کلیکشن کا فوٹو شوٹ بھی کرایا تھا۔

تاہم اب اداکارہ نے دارالحکومت اسلام آباد کی نجی ہاؤسنگ سوسائٹی سے برانڈ ایمبیسڈر کا معاہدہ کرلیا ہے۔

چند روز قبل بلیو ورلڈ سٹی کے آفیشل اکاؤنٹ پر اسرا بلگچ کی ویڈیو جاری کرتے ہوئے انہیں ہاؤسنگ سوسائٹی کا نیا چہرہ قرار دیا گیا تھا۔

ویڈیو میں ترک اداکارہ ہاؤسنگ سوسائٹی کو ‘میرا نیا گھر’ کہتی ہوئی نظر آرہی ہیں اسی اکاؤنٹ پر جاری ایک پوسٹ میں اسرا بلیو ورلڈ سٹی کے چیف ایگزیکٹو کے ساتھ دکھائی دیں۔

علاوہ ازیں ایک اور پوسٹ میں اداکارہ کو بلیو ورلڈ سٹی کے ساتھ بطور برانڈ ایمبیسڈر معاہدے پر دستخط کرتے ہوئے دکھایا گیا ہے۔