ایکسائز اینڈ ٹیکنیشن آفس کا اپنا ذاتی دفتر ٹائم

قصور
ایکسائز اینڈ ٹیکنیشن آفس میں عملہ 10 بجے آنے لگا,8 ماہ پہلے کروائی گئی رجسٹریشن والی گاڑیوں کی نمبر پلیٹیں تاحال نا مل سکیں،سائلین شدید پریشان

تفصیلات کے مطابق ایکسائز اینڈ ٹیکنیشن آفس قصور کے عملہ نے اپنا ذاتی دفتری ٹائم متعارف کروا دیا ہے
عملہ سرکاری ٹائم کی بجائے صبح 10 بجے دفتر پہنچتا ہے جس سے لوگوں کو شدید مشکلات کا سامنا ہے نیز 8 ماہ قبل رجسٹریشن کروائی گئی گاڑیوں کی نمبر پلیٹیں ابھی تک نہیں دی جا رہیں جبکہ ڈیلر و ایجنٹ حضرات اپنی رجسٹریشن شدہ گاڑیوں کی پلٹیں ایک سے دو ماہ بعد حاصل کر لیتے ہیں مگر اپنی مدد آپ کے تحت جائز طریقے سے دفتر سے رجسٹریشن کروانے والوں کو ذلیل کیا جاتا ہے
نمبر پلیٹوں بارے پوچھنے پر کہا جاتا ہے کہ 2 سال سے نمبر پلیٹیں محکمے کی طرف سے نہیں بن رہیں جبکہ چند ماہ قبل ہوئی رجسٹریشن والی اکثر گاڑیوں کو نمبر پلیٹیں دی جا چکی ہیں
شہریوں کا کہنا ہے کہ دفتر میں ہمارے مسائل بلکل بھی حل نہیں ہو رہے اور ہمیں بار بار چکر لگوائے جاتے ہیں
شہریوں نے ڈپٹی کمشنر قصور و کمشنر لاہور ڈویژن سے ازخود نوٹس لینے کی اپیل کی ہے