گو جرہ :مزدہ اورہائی ایس میں ٹکر،ہائی ایس میں گیس سلنڈر پھٹنے ، آگ کے باعث 7 افراد جل گئے، 20 سے زائد زخمی

گو جرہ ، باغی ٹی وی( نامہ نگارعبدالرحمن جٹ) گوجرہ پینسرہ روڈ پرمزدہ اورہائی ایس میں ٹکر،ہائی ایس میں گیس سلنڈر پھٹنے ، آگ کے باعث 7 افراد جل گئے، 20 سےزائد زخمی
تفصیلات کے مطابق ایک مزداڈالہ نمبر4520ایف ڈی ڈی فیصل آباد سے گوجرہ کی طرف آرہا تھاکہ پینسرہ روڈ علاقہ تھانہ نواں لاہورگوجرہ کے چک نمبر278ج ب ج ب دھرم کوٹ کے قریب گوجرہ سے فیصل آباد جانے والی ہائی ایس ویگن نمبر4557ایس اے آرسے ٹکر ہو گئی جس کے نتیجہ میں مزدا میں آگ لگ گئی جبکہ ہائی ایس ویگن کا سلنڈر پھٹنے سے آگ بھڑک اٹھی جس نے دیکھتے ہی دیکھتے پوری گاڑی کو اپنی لپیٹ میں لے لیااور ہائی ایس ویگن میں سوار25سے زائد افرادجھلس گئے جن میں سے 6افراد موقع پرجاں بحق ہو گئے جبکہ مزداڈالہ کا ڈرائیور بھی دم توڑ گیا جس کے مرنے والوں کی تعدادسات ہو گئی اطلاع ملنے پر پولیس اور 1122کی گاڑیاں موقع پر پہنچ گئیں جنہوں نے امدادی کارروائی کر تے ہو ئے شدید زخمیوں کو مختلف ہسپتالوں میں منتقل کیاتھانہ نواں لاہور پولیس نے مرنے والے سات افراد کی نعشیں تحویل میں لے کر تحصیل ہیڈ کوارٹرہسپتال گوجرہ منتقل کیں جن میں سے دو افرادمحمد اکرم اور دستگیر ساکنان چک نمبر46گ ب تحصیل سمندری سے شناخت ہو ئی ہے جبکہ دیگر نعشوں کی شناخت کا عمل جاری ہے۔دونوں گاڑیاں پولیس آگ لگنے سے بری طرح تباہ ہو گئیں۔شدید زخمیوں میں مرد، بچے اور خواتین بھی شامل ہیں۔پولیس مصروف کارروائی ہے۔