کراچی میں تعینات امریکی قونصل جنرل اسکاٹ اربام نے کہا ہے کہ امریکا پاکستان میں اظہارِ رائے کی آزادی کی بھرپور حمایت کرتا ہے۔
وہ انسٹی ٹیوٹ آف بزنس ایڈمنسٹریشن (آئی بی اے) کراچی میں سینٹرل فار ایکسیلینس اِن جرنلزم (سی ای جے) کے قیام کے 10 سال مکمل ہونے پر منعقدہ تقریب سے خطاب کر رہے تھے۔ان کا کہنا تھا کہ سی ای جے مستقبل کے صحافیوں کو جدید تقاضوں سے ہم آہنگ تربیت فراہم کر رہا ہے، جو پاکستانی میڈیا کے لیے ایک مثبت پیش رفت ہے۔
تقریب کے پہلے سیشن میں آرٹیفیشل انٹیلی جنس اور پاکستانی نیوز رومز پر اس کے اثرات پر گفتگو کی گئی، جبکہ دوسرے سیشن میں سنسرشپ اور صحافیوں کو درپیش خطرات پر روشنی ڈالی گئی۔تقریب میں ایسوسی ایشن آف الیکٹرانک میڈیا ایڈیٹرز اینڈ نیوز ڈائریکٹرز کے صدر اظہر عباس، سینئر صحافی حامد میر، فرحان ملک اور سید علی شاہ نے بھی خطاب کیا۔ اس موقع پر آئی بی اے کے ایگزیکٹیو ڈائریکٹر اکبر زیدی اور سی ای جے کے ڈائریکٹر شاہزیب جیلانی نے بھی اپنے خیالات کا اظہار کیا۔
سابق گورنر اسٹیٹ بینک اور آئی بی اے کے سابق ڈائریکٹر عشرت حسین نے ویڈیو لنک کے ذریعے تقریب میں شرکت کی۔
انیل امبانی اور ریلائنس کمیونیکیشنز کے خلاف فراڈ کا مقدمہ درج، سی بی آئی کے چھاپے
کراچی، ایس ایس پی کے گھر ڈکیتی، ملازمین پر شبہ، وزیر داخلہ کا نوٹس
غزہ میں قحط اور اسرائیلی حملوں سے مزید درجنوں فلسطینی شہید
بلاول بھٹو کا سندھ پیپلز ہاؤسنگ کا دورہ ،عوام سے ملاقات
