محکمہ موسمیات نے پیشگوئی کی ہے کہ آئندہ 2 روز کے دوران ملک کےبیشتر میدانی علاقے شدید گرمی کی لہرکے زیر اثرر ہیں گےاور گرم ترین لو چلنے کا امکان برقرار رہے گا جبکہ دوپہر کے دوران تیز اور گرد آلود ہوائیں چلنے کا بھی امکان ہے۔
گذشتہ روز ریکارڈ کیے گئے زیادہ سے زیادہ درجہ حرارت : موہنجو داڑو 53، جیکب آباد 52، دادو (میہڑ)51، خانپور، خیرپور، لاڑکانہ، پڈعیدن، سکھر، سبی، روہڑی 50، رحیم یار خان، بھکر، ڈی جی خان، کوٹ ادو، شہید بینظیر آباد 49، ملتان، ڈی آئی خان، تربت 48، سکرنڈ، بہالپور ، بہاولنگر، جھنگ، جوہرآباد، لیہ، قصوراور نور پور تھل میں 47ڈگری سینٹی ریکارڈ کیا گیا۔
محکمہ موسمیات کی رپورٹ کے مطابق گلگت بلتستان میں شام اور رات کے اوقات میں چند مقامات پر گرج چمک کے ساتھ مطلع جزوی ابر آلود رہنے کا امکان ہے جبکہ ملک کے بیشتر حصوں میں براعظمی ہوا کا شدید دباؤ برقرار رہے گا۔
جبکہ اسلام آباد اور گر دو نواح میں موسم شدید گرم اور خشک رہے گا ۔ اس دوران دن کا درجہ حرارت معمول سے 03 سے 05 ڈگری سینٹی گریڈ زیادہ رہنے کا امکان ۔
شدید گرمی میں بھی میہڑ شہر کی بجلی 20گھنٹوں سے غائب ،شہری دوہری اذیت میں مبتلا ہیں
