فیس بک نے رمضان المبارک سے متعلق نیا فیچر متعارف کرا دیا

رمضان المبارک کی آمد کے ساتھ ہی سوشل میڈیا ایپ فیس بک نے ہیش ٹیگ MonthOfGood# کے نام سے ایک مہم شروع کی ہے –

باغی ٹی وی : اس حوالے سے فیس بک نیوز روم نے ایک بلاگ پوسٹ میں بتایا کہ گزشتہ برس ہماری کمیونٹی نے ‘Happy Ramadan ‘ کی مہم کے تحت 2 کروڑ سے زائد فیس بک پر پوسٹس اور کمنٹس کا تبادلہ کیا’۔

مزید کہا گیا کہ گزشتہ برس عید کے پہلے روز واٹس ایپ ویڈیو کالز کی تعداد میں بھی ریکارڈ اضافہ ہوا تھا۔

فیس بک نے کہا کہ کورونا کے باعث رکاوٹوں کے باوجود رمضان اچھے کام کرنے اور دوسروں کی مدد کرنے کا اہم موقع ہے۔

فیس بک کے مطابق پورے مہینے میں ، ہم تخلیق کاروں ، کمیونٹیز ، پبلشرز اور این جی اوز کے ساتھ مل کر ان لوگوں کو نمایاں کریں گے جو اچھے کام کر رہے ہیں اور دوسروں کو بھی ایسا کرنے کی ترغیب دیں گے۔

رپورٹ میں بتایا گیا کہ مزید برآں ، جو لوگ مہینے کے دوران خیراتی عطیات دینے یا اپنی زکوٰ ۃ کو پورا کرنے کے خواہاں ہیں وہ غیر منافع بخش افراد کو تلاش کرنے کے لئے فیس بک اور انسٹاگرام کا رخ کرسکتے ہیں۔جس میں چند غیر ملکی فاؤنڈیشن ہزاروں خیراتی اداروں میں سے صرف چند ایک فلاحی کارکن ہیں جو رمضان میں فنڈ جمع کرنے والے افراد کو کھانے کی ٹوکریاں ، سامان اور ہنگامی امداد فراہم کرتے ہیں جنھیں دنیا بھر میں سب سے زیادہ ضرورت ہے۔

فوٹو بشکریہ فیس بُک
رپورٹ کے مطابق رمضان میں لوگ انسٹاگرام اور واٹس ایپ کے نئے اسٹیکرز MonthOfGood کے ساتھ اپنے دوستوں اور گھر والوں کے ساتھ اچھے کام شیئر کرسکیں گے۔

جیسا کہ اپنے دوستوں اور گھر والوں کا سحر یا افطار کے موقع پر شکریہ ادا کرنا، کوئی اچھا کام کرکے سوشل میڈیا پر شیئر کرنا تاکہ دیگر کے اندر بھی اس طرح کے کاموں کی حوصلہ افزائی ہوسکے۔

فیس بک ایپ میں نئے اوتار اسٹیکرز بھی موجود ہوں گے اس کے ساتھ ساتھ میسنجر اور میسنجر کڈز ہپر نئے کیمرا ایفیکٹس اور اسٹیکرز بھی موجود ہوں گے۔

فوٹو بشکریہ فیس بُک
خیال رہے کہ گزشتہ برس فیس بک اور انسٹاگرام پر سال 2019 کے مقابلے میں ماہ رمضان میں فنڈریزنگ میں دگنا اضافہ ہوا تھااسی لیے فیس بک نے اس مرتبہ ماہ مقدس میں دنیا بھر میں موجود اپنے 2 ارب سے زائد صارفین کو MonthOfGood# مہم کا حصہ بننے کی دعوت دی ہے۔