لاہور: این سی سی آئی اے کی کارروائی ، کمسن بچوں بارے فحش مواد شیئر کرنے والا ملزم گرفتارکر لیا گیا
کارروائی امریکی ادارے NCMEC کی اطلاع پر عمل میں لائی گئی،ایف آئی آر نمبر 202/25 درج کر لی گئی،ملزم میاں مومن احمد نے اسنیپ چیٹ کے ذریعے فحش مواد شیئر کیا،کارروائی سائبر کرائم ایکٹ کی دفعہ 22 کے تحت کی گئی،تفتیش ایس آئی شفقات احسان کے سپرد کر دی گئی،مزید تحقیقات جاری ہے،
نیشنل سائبر کرائم انویسٹی گیشن ایجنسی لاہور نے 20 اگست 2025 کو ایک اہم کارروائی کرتے ہوئے نابالغ لڑکی کے ساتھ جنسی استحصال اور سیکس ٹورشن کے مقدمے میں ایک مشتبہ شخص کو گرفتار کر لیا ہے۔ مقدمہ نمبر 202/2025 کے تحت درج ایف آئی آر کے مطابق، ملزم میاں مومن احمد ولد میاں خالد احمد، رہائشی چونگی امر سدھو، لاہور کینٹ، کے خلاف سیکشن 22 کے تحت پاکستان الیکٹرانک کرائم ایکٹ (PECA) 2016 کے تحت کارروائی کی گئی۔ ملزم کا موبائل نمبر +923164422074 اور ای میل mk7285632@gmail.com کی مدد سے اس کے خلاف شواہد جمع کیے گئے۔
NCCIA کی ٹیم نے تکنیکی معاون غلام مصطفیٰ، ذیشان انجم، اور محمد افتخار کی نگرانی میں ملزم کے گھر پر چھاپہ مارا۔ چھاپے کے دوران ملزم سے ایک موبائل فون اور متعلقہ سم قبضے میں لیے گئے، جن کی جانچ پڑتال کے بعد موبائل میں موجود بچوں کی جنسی مواد کی تصاویر اور اسکرین ریکارڈنگز کی موجودگی کی تصدیق ہوئی۔ موقع پر کی گئی تفتیش میں ملزم نے جرم کا اعتراف کر لیا۔سب انسپکٹر شفقت احسن کی سربراہی میں جاری تفتیش میں مزید شواہد اکٹھے کیے جا رہے ہیں۔ ایف آئی آر کے مطابق، تفتیش مکمل ہونے کے بعد مجرمانہ کاروائی عمل میں لائی جائے گی تاکہ ملزم کو قانون کے کٹہرے میں لایا جا سکے۔
NCCIA لاہور کے انسپکٹر عاقب علی خان نے بتایا کہ ملک بھر میں سائبر کرائم کے بڑھتے ہوئے واقعات کو روکنے کے لیے خصوصی اقدامات کیے جا رہے ہیں اور اس طرح کے جرائم میں ملوث افراد کے خلاف سخت قانونی کارروائی کی جائے گی۔یہ واقعہ ملک میں بچوں کے حقوق کے تحفظ اور سائبر کرائم کے خلاف بڑھتی ہوئی کوششوں کا مظہر ہے۔ شہریوں کو بھی ہدایت دی گئی ہے کہ وہ کسی بھی مشتبہ سرگرمی کی اطلاع فوری طور پر متعلقہ حکام کو دیں تاکہ بروقت کارروائی کی جا سکے۔
