شیخوپورہ : انتظامیہ ون ڈش کے قانون پر عملدرآمد کروانے میں ناکام ہوگئی ہے-رؤف احمد خان

باغی ٹی وی:شیخوپورہ (محمد طلال سے) جنرل سیکرٹری ادارہ برائے تحفظ حقوق شہریاں رؤف احمد خان نے کہا ہے کہ انتظامیہ اور پولیس ضلع شیخوپورہ میں ون ڈش کے قانون پر عملدرآمد کروانے میں ناکام ہوگئی ہے انہوں نے یہاں میڈیا کے نمائندوں سے گفتگو کرتے ہوئے کہا کہ ون ڈش کا قانون غریب اور متوسط طبقہ کے لوگوں کے بے جا اخراجات سے بچانے کی خاطر بنایا گیا تھا مگر ضلع شیخوپورہ میں متعدد شادی ہالز اور اوپن پلاٹوں میں ہونے والی شادی بیاہ کی تقریبات میں اس قانون کی دھجیاں اڑائی جا رہی ہیں اور ایک کھانے کی بجائے 4 تا 5 اقسام کے مرغن کھانے دیئے جاتے ہیں۔