فیصل آباد : ایف آئی اے کی کارروائی،عوام کو لوٹنے والے جھنگ سے 5 جعلی پولیس اہلکارگرفتار

فیصل آباد :سائبر کرائم سرکل کی کارروائی،عوام کو لوٹنے والے جھنگ سے 5 جعلی پولیس اہلکارگرفتار
ایف آئی اے ترجمان کے مطابق ملزمان خود کو پولیس اہلکار ظاہر کرتے ہوئے شہریوں کو کال کرتے تھے اور کسی رشتےدار کی جعلی گرفتاری کے حوالے سے آگاہ کرتے ہوئے پیسے بٹور لیتے تھے۔گرفتار ملزمان مختلف شکایت کنندگان سے 12 لاکھ روپے بٹور چکے تھے۔ملزمان مطلوبہ رقم کی وصولی کے لئے جعلی ایزی پیسہ اور جازکیش اکاونٹس استعمال کرتے تھے۔جھاپہ مار ٹیم نے ملزمان کے قبضے سے موبائل فونز برآمد کر لئے۔ملزمان عوام کو اپنے جال میں پھنسانے کے لئے وائرلیس کی ریکارڈیڈ آواز کا بھی استعمال کرتے تھے۔گرفتار ملزمان میں محمد منیر، عنصر عباس، عامر، محمد عمران اور محمد اسلم شامل ہیں۔ملزمان کو جھنگ سے گرفتار کیا گیا۔ملزمان کے خلاف ییکا ایکٹ کے تحت مقدمات درج کر لئے گئے۔مزید تفتیش جاری ہے,