کئی مشہور ٹی وی ڈراموں میں اپنی اداکاری کے جوہر دکھانے والی ہانگ کانگ کی معروف اداکارہ میگی یو میاؤ ے 2023 میں اچانک شوبز کو خیرباد کہہ کر چین کے شہر ڈونگ گوان میں ایک معمولی ریستوران میں ویٹریس کے طور پر کام کرنا شروع کر دیا-
میگی جو 2012 میں مس چائنا انٹرنیشنل پیجینٹ کی فائنلسٹ رہی تھیں اور ٹی وی بی چینل پرگھوسٹ آف ریئلٹی اور مائی لوور فرام دی پلانٹ میاؤ جیسے ڈراموں سے شہرت حاصل کر چکی ہیں، اب اپنی سادہ زندگی سے بھرپور اطمینان کا اظہار کر رہی ہیں۔
میگی یو میاؤ کبھی کبھار سوشل میڈیا پر پوسٹیں شیئر کرتی ہیں حالیہ ویڈیوز میں وہ تربوز کاٹتے ہوئے نظر آئیں، جس کے بدلے انہوں نے 150 یوان کمائے اس سے قبل میزیں لگانے کے کام پر انہیں 180 یوان کی اجرت ملی،انہوں نے ایک فلمی کردار کی پیشکش کا اسکر ین شاٹ بھی شیئر کیا، جس میں انہیں 500 یوان یومیہ کے عوض کام کی دعوت دی گئی تھی۔
عفت عمر نے پنجاب حکومت کاعہدہ قبول کرنے سے معذرت کرلی
اس پر میگی نے جواب دیا کہ میں اب ڈونگ گوان میں ہوں اور یہاں کچھ شہرت بھی حاصل کی ہے، سوچوں گی 500 یوا ن یا ہانگ کانگ جا کر فلم کروں یا یہیں کام کرتی رہوں؟“
میگی نے بتایا کہ انہوں نے اداکاری چھوڑنے کا فیصلہ زندگی میں سکون، تحفظ اور یقین کی تلاش میں کیا ڈونگ گوان میں ہر دن مصرو ف ہوتا ہے، ہر دن کی آمدنی ہوتی ہے اداکاری میں غیر یقینی بہت ہے، کبھی چھ مہینے تو کبھی سال بھر ایک کردار کے انتظار میں بیٹھنا پڑتا ہے،یہاں محنت کا صلہ فوراً ملتا ہے، اس لیے میں یہی کام جاری رکھوں گی۔
خاتون کے ہاں ایک ہی بچے کی دو بار پیدائش
