پاکستان شوبز انڈسٹری کے اداکار اور گلوکار فرحان سعید نے پاکستان کے لیے ناقابل فراموش خدمات سرانجام دینے والی عظیم شخصیات کو خراج تحسین پیش کرنے کا سلسلہ شروع کیا ہے جس میں پہلی ونہوں نے شوبز کی شخصیات کو خراج تحسین پیش کیا تھا تاہم اب انہوں نے اسکواش لیجنڈ جہانگیر خان اورلیجنڈری قومی کرکٹر جاوید میاںداد کو خراج تحسین پیش کیا ہے۔

باغی ٹی وی : سمجای رابطے کی ویب سائٹ انسٹاگرام پر انہوں نے لکھا کہ پاکستان میں جہانگیر خان کی طرح چند ہی ایسے کھلاڑی ہیں جنہوں نے کھیل کو نہ صرف ملک میں بلکہ دنیا میں متعارف کروایا میں آج لیجنڈ جہانگیر خان کو خراج تحسین پیش کر رہا ہوں۔
https://www.instagram.com/p/CB-cNPhFdow/
فرحان سعید نے لکھا کہ جہانگیرصاحب کی کامیابیوں کی فہرست لامتناہی ہے۔

انہوں نے لکھا کہ جہانگیر خان نے چھ بار ورلڈ اوپن ، اور برٹش اوپن دس بار جیتا ہے۔ وہ ورلڈ اسکواش فیڈریشن کے صدر تھے جس کے بعد ان کے لئے ‘ایمریٹس کے صدر’ کا عہدہ تشکیل دے دیا گیا تھا – جو دفتر آج تک ان کے پاس ہے۔

اداکار نے لکھا کہ ان کے ساتھ میری چند ملاقاتوں میں ، ان کی کامیابیوں نے مجھے حیرت میں ڈال دیا۔ کوئی ایسا شخص جس نے کئی دہائیوں میں اتنی کامیابی دیکھی ہے اور اب بھی ایسے ریکارڈ رکھے ہوئے ہیں جو ٹوٹ نہیں سکے ہیں ۔

فرحان سعید نے کہا کہ یہ جہانگیر خان اور پھر جان شیر خان کی ہی وجہ سے ممکن ہوا کہ پاکستان اسکواش میں کئی دہائیوں تک ٹاپ پوزیشن پر رہا۔

انہوں نے لکھا کہ جہانگیر خان آپ کا شکریہ میرے لیے آپ بے مثال مہارت اور عزم و حوصلے کی ایک مثالی شخصیت رکھتے ہیں آپ کی لازوال میراث پاکستان کے لئے ایک تحفہ ہے اور رہے گی۔

فرحان سعید نے اپنی ایک دوسری پاسٹ میں لیجنڈری قومی کرکٹر جاوید میانداد کی پاکستان کرکٹ کے لیے خدمات کو سراہتے ہوئے اُنہیں خراج تحسین پیش کیا ہے۔
https://www.instagram.com/p/CB3fJhiFuLk/
فرحان سعید نے انسٹاگرام پر جاوید میانداد کی چند یادگار تصاویر پوسٹ کرتے ہوئے لکھا کہ پاکستان میں کرکٹ ایک جنون ہے اور آج ، میں لیجنڈری کرکٹر کی غیر معمولی شخصیت کو خراج تحسین پیش کرتا ہوں۔ وہ واحد جاوید میانداد صاحب ہیں۔

اُنہوں نے لکھا کہ ’جاوید میانداد کا کیریئر اور کارناموں کو کسی تعارف کی ضرورت نہیں شارجہ میں مقابل حریف بھارت کے خلاف جاوید صاحب کی آخری گیند چھکے کا جادو ابھی بھی برقرار ہے۔

فرحان سعید نے لکھا کہ جاوید میانداد 1992 میں پاکستان کے ورلڈ کپ جیتنے والی ٹیم کا ایک لازمی حصہ ہیں۔ انہوں نے اپنےکیریئر میں پاکستان کی جو شان و شوکت بڑھائی ہے اس کی وضاحت کے لئے الفاظ کافی نہیں ہیں۔

فرحان سعید نے مزید لکھا کہ وہ ایک سچا دوست ہے اور اپنے آس پاس کے ہر فرد پر محبت اور پیار کا مظاہرہ کرتا ہے میری طرف سے جاوید صاحب کا شکریہ ادا کرنے کی یہ ایک چھوٹی سی کوشش ہے۔ ہم کرکٹ اور ہمارے ملک میں ان کی شاندار شراکت کے لئے ہمیشہ ان کے مشکور ہوں گے۔

انہوں نے لکھا کہ جاوید صاحب ، آپ سدا خوش رہیں ، سلامت رہیں ۔ پاکستان کے لئے آپ کی خدمات کا بہت شکریہ۔

انہوں نے ہیش ٹیگ LivingLegends #PakistaniHeroes# بھی استعمال کئے-

واضح رہے کہ اس سے قبل فرحان سعید نے ملک کے لیے ناقابل فراموش خدمات سرانجام دینے والی عظیم شخصیات کو خراج تحسین پیش کیا تھا جن میں اداکار قوی خان، صوفی گلوکارہ عابدہ پروین اور معروف کامیڈین عمر شریف شامل تھے۔

فرحان سعید کا پاکستانی لیجنڈز کو خراج تحسین