دبئی: پاکستان ویمنز ٹی ٹوئنٹی ٹیم کی کپتان فاطمہ ثناء اسٹیڈیم میں میچ شروع ہونے سے قبل قومی ترانہ پڑھتے وقت پنے والد کو یاد کر کے رونے لگیں جس کی ویڈیو سوشل میڈیا وائرل ہو رہی ہے-
باغی ٹی وی :ویمنز قومی کرکٹ کی کپتان فاطمہ ثناء کے والد گزشتہ ہفتے انتقال کرگئے تھے جس کے بعد وہ فوری طور پر دبئی سے کراچی پہنچیں تاہم نماز جنازہ اور تدفین کے بعد نیوزی لینڈ کے خلاف اہم میچ میں شرکت کے لیے واپس دبئی پہنچیں جہاں انہوں نے قومی ٹیم کی قیادت کی، میچ کے آغاز سے قبل گراؤنڈ میں فاطمہ جذبات پر قابو نہ رکھ سکیں اور قومی ترانے کے دوران رو پڑیں-
حزب اللہ اسرائیل کے خلاف ڈرون حملوں میں ایرانی سیٹلائٹ استعمال کر رہی ہے؟
فاطمہ ثناء کی مذکورہ ویڈیو انٹرنیشنل کرکٹ کونسل (آئی سی سی) کی جانب سےجاری کی گئی اور ان کی ہمت و حوصلے کی داد دی گئی۔
واضح رہے کہ آئی سی سی ویمنز ٹی ٹوئنٹی ورلڈکپ میں نیوزی لینڈ کے 110 رنز کے جواب میں قومی ٹیم 56 رنز پر ڈھیر ہوگئی تھی، میچ میں شکست کے ساتھی ہی بھارت اور پاکستان کی ٹیمیں ٹی20 ورلڈکپ 2024 کی سیمی فائنل دوڑ سے باہر ہوچکی ہیں۔
