فواد چودھری کو ٹرک کی بتی کے پیچھے لگا دیا، نہریں گننے کی وزارت بھی دے دیں

خواجہ آصف کی تقریرکے دوران فواد چودھری بول پڑے، مکالمہ شروع ہوگیا ،مسلم لیگ ن کے رہنما خواجہ‌ آصف نے قومی اسمبلی اجلاس کے دوران فواد چودھری کی طرف اشارہ کرکے کہا کہ میرا بھائی ہے جس کو اطلاعات سے ہٹا کر سائنس و ٹیکنالوجی کا وزیر بنا دیا گیا فوادچودھری کو ٹرک کی بتی کے پیچھے لگا دیا ہے

باغی ٹی وی کی رپورٹ کے مطابق قومی اسمبلی کا اجلاس اسپیکر قومی اسمبلی اسد قیصر کی زیر صدارت جاری ہے،.اسمبلی اجلاس کے دوران خواجہ‌ آصف خطاب کر رہے تھے کہ فواد چوھری نے کوئی بات کی جس پر خواجہ آصف نے کہا کہ وہ پیچھے میرا بھائی بیٹھا ہے جس کو حکومت نے وزارت اطلاعات سے ہٹا دیا اوراس کی جگہ سیالکوٹ سے ایک غیر منتخب کو لگا دیا، یہ اراکین اسمبلی اور منتخب نمائندوں کی توہین ہے. جس پر سپیکر قومی اسمبلی اسد قیصر نے خواجہ آصف کو کہا کہ خواجہ صاحب سائنس وٹیکنالوجی کیا اہم ڈیپارٹمنٹ نہیں ؟ جس پر خواجہ آصف نے کہا کہ اب وہ اچھی باتیں اور کام کر رہے ہیں. خواجہ آصف نے مزید کہا کہ اگر فواد چودھر ی کو نہریں گننے کا وزیر بنا دیں تو وہاں بھی کام نکال لیں گے.