فواد چودھری نے سعودی عرب سے بڑی مدد مانگ لی، جان کر وزیراعظم بھی حیران
باغی ٹی وی کی رپورٹ کے مطابق وفاقی وزیر سائنس و ٹیکنالوجی فواد چودھری نے جدہ میں پریس کانفرنس کرتے ہوئے کہا کہ اداروں کو ایک دوسرے کا احترام کرنا چاہیے۔ اگر ایک دوسرے کی ٹانگیں کھینچیں گے تو ملک کو نقصان ہوگا۔
فواد چودھری کا کہنا تھا کہ او آئی سی اور آئی ڈی پی کے تعاون سے پاکستان میں زراعت کو فروغ دیں گے۔ ہم پاکستان میں ویکسین بنائیں گے۔ ہم پاکستان میں بیٹری سے چلنے والی بسیں چلائیں گے۔ عمران خان کا وژن ہے کہ آئندہ دس سال میں پاکستان میں اپنے وسائل سے پراجیکٹ لگائیں گے۔ ہم پاکستان میں ورلڈ کلاس سائنٹسٹ پیدا کررہے ہیں۔ آئندہ سات ماہ میں رکشہ کو بھی بیٹری پر لے آئیں گے۔ آئی ڈی بی نے 500 ملین ڈالرز کا بحٹ مخصوص کیا ہے۔ ہم پاکستان میں ماڈل ویلیج بنائیں گے۔
فواد چوہدری نے مزید کہا کہ تمام اداروں کو ایک دوسرے کی اہمیت، افادیت اور عزت کا خیال رکھنا چاہیے،او آئی سی میں اسلامک ڈیولپمنٹ بینک نے500ملین کا فنڈسائنس اینڈ ٹیکنالوجی کیلئے مختص کیا ہے،سعودی عرب کی پرائیویٹ کمپنیاں حلال فوڈبنانےمیں ہمارے ساتھ تعاون کریں،پاکستان میں حلال اتھارٹی کے قیام کے بعد زیادہ دوائیں اب ہم خودبھی بنارہےہیں،3بڑی کمپنیاں پاکستان میں ایکسرے مشینیں بنانے آ رہی ہیں.
قبل ازیں وفاقی وزیر برائے سائنس اینڈ ٹیکنالوجی فواد چودھری نے جدہ میں اسلامی ترقیاتی بنک اور ورلڈ اکیڈمی آف سائنسز فورم کے زیر اہتمام سائنس ڈپلومیسی ورکشاپ کی افتتاحی تقریب میں شرکت کی. ورکشاپ میں مختلف مسلم ممالک کے سائنسدان اور سائنسی منتظمین نے بھی شرکت کی.ورکشاپ کے دوران وفاقی وزیر نے نائجیریا کے وزیر سائنس و ٹیکنالوجی محمد عبد اللہی سے ملاقات کی.ملاقات میں دونوں وزراء نے سائنس اور ٹیکنالوجی کے شعبے میں دونوں ممالک کے درمیان تعاون پر بات چیت کی. وفاقی وزیر نے ٹیکنالوجی کے شعبے میں پاکستان کے تعاون کی پیشکش کی.
