اثاثہ جات کیس،فواد حسن فواد کے جوڈیشل ریمانڈ میں مزید 14 دن کی توسیع کر دی گئی
باغی ٹیو ی کی رپورٹ کے مطابق احتساب عدالت لاہورکے جج محمد وسیم اختر نے کیس پر سماعت کی ،عدالت نے فواد حسن فواد کو دوبارہ 16 ستمبر کو عدالت میں پیش کرنے کاحکم دیا،عدالت میں آج فواد حسن فواد کی بریت کی درخواست بھی دائر کر دی گئی ،دوران سماعت نیب تفتیشی افسر کی جانب سے رپورٹ پیش کی گئی
بریت کی درخواست پر آئندہ سماعت پر نیب پراسیکیوٹرسے دلائل طلب کر لئے گئے،
گزشتہ سماعت پر لاہور کی احتساب عدالت نے آمدن سے زائد اثاثہ جات کیس میں گرفتار سابق وزیراعظم نوازشریف کے پرنسپل سیکرٹری فواد حسن فواد کے جوڈیشل ریمانڈ میں گیارہ روز کی توسیع کی تھی،
دوسری جانب آمدن سے زائد اثاثہ جات کیس میں نیب کی جانب سے فواد حسن فواد کے خلاف ریفرنس دائر کیا جا چکا ہے، نیب حکام کے مطابق فواد حسن فواد نے 4 ارب 56 کروڑ 51 لاکھ 26 ہزار 904 روپے کے اخراجات کئے، راولپنڈی 15 منزلہ لگثری شاپنگ مال، حیدر روڈ پلاٹ کے اثاثے بنائے جبکہ جہانگیر صدیقی گروپ کے بنک سے 3 ارب 45 کروڑ کا قرض ظاہر کیا، ایف بی آر ریکارڈ کے مطابق فیملی سیونگ 2 کروڑ 54 لاکھ 80 ہزار 822 روپے ہے.
