فواد خان کی دوبارہ بالی ووڈ‌میں انٹری،کس اداکارہ کے ساتھ جلوہ گر ہوں گے؟

کراچی: عالمی شہرت یافتہ پاکستانی سُپر اسٹار فواد خان کی بھارتی اداکارہ ریدھی ڈوگرا کے ساتھ بالی ووڈ فلم کرنے کی خبر سرگرم ہے۔

باغی ٹی وی : پاکستان کے سپر اسٹار اداکار فواد خان کی بالی وڈ واپسی کی خبریں طویل عرصے سے زیر گردش ہیں بھارتی میڈیا رپورٹس کے مطابق اس حوالے سے یہ قیاس آرائیاں کی جارہی تھیں کہ فواد خان بالی ووڈ کی معروف اداکارہ وانی کپور کے ساتھ نئی فلم میں جلوہ گر ہوں گے۔ تاہم دونوں جانب سے اس کی تصدیق یا تردید نہیں کی گئی تھی،مگر اب بھارتی میڈیا میں خبرپھیل رہی ہیں کہ وانی کپور کی بجائے اداکارہ ریدھی ڈوگرا اور فواد خان ایک ساتھ نئے پروجیکٹ میں کام کریں گے۔

بھارتی میڈیا رپورٹس کے مطابق فواد خان اور ریدھی ڈوگرا ایک ‘روم کوم ڈرامہ’ فلم میں بطورِ جوڑی اور مرکزی کرداروں میں نظر آئیں گے،فلم کے لیے معاون اداکاروں کی کاسٹ باقی ہے جبکہ یہ فلم ابھی اپنے ابتدائی مرحلے میں ہے فواد خان اور ریدھی ڈوگرا کی اس نئی فلم کا پیپر ورک مکمل ہوچکا ہے جبکہ فلم اور ڈائریکٹر کا نام ابھی تک خفیہ رکھا گیا ہے۔

ایران: اسرائیل کیلئےکام کرنے کے الزام میں 12 افراد گرفتار

رپورٹس میں بتایا گیا کہ ریدھی اور فواد دیگر پراجیکٹس میں مصروف ہیں، اسی وجہ سے رواں سال کے آخر تک فلم کی شوٹنگ کا آغاز ہوگا جبکہ اس فلم کو اگلے سال کے آخر یا 2026 کے آغاز تک ریلیز کیا جائے گا، فلم کی شوٹنگ امریکا اور برطانیہ کے مختلف مقامات پر کی جائے گی،دوسری جانب ابھی تک فواد خان اور ریدھی ڈوگرا نے بھارتی میڈیا کی اس خبر کی تردید یا تصدیق نہیں کی ہے۔

آئی سی سی ویمن ٹی ٹوئنٹی ورلڈ کپ : پاکستان کرکٹ ٹیم دبئی پہنچ گئی