fbpx

فیاض الحسن چوہان کا ڈسٹرکٹ جیل گوجرانوالہ کا اچانک دورہ

وزیر جیل خانہ جات پنجاب فیاض الحسن چوہان نے ڈسٹرکٹ جیل گوجرانوالہ کا اچانک دورہ کیا۔ فیاض الحسن چوہان نے قیدیوں کو دی جانے والی سہولیات کی مناسب فراہمی یقینی بنانے کے حوالے سے اقدامات کا جائزہ لیا۔ انہوں نے خواتین اور بچوں کے بیرک، کچن، ڈسپنسری سمیت دیگر انتظامات کا بھی جائزہ لیا۔ وزیر جیل خانہ جات پنجاب نے سپرنٹینڈنٹ، ڈپٹی و اسسٹنٹ سپرنٹینڈنٹ سمیت جیل عملہ سے گفتگو کی۔ فیاض الحسن چوہان نے جیل انتظامیہ کو قیدیوں کی بہتر دیکھ بھال اور جیل ریفارمز سے متعلق ہدایات بھی دیں۔ وزیر جیل خانہ جات نے بچوں کے خراب لباس کا نوٹس لیتے ہوئے احکامات بھی جاری کیے۔ فیاض الحسن چوہان کا اس موقع پر کہنا تھا کے مناسب کپڑے کے متحمل نہ ہونے والے قیدی بچوں کو جیل انتظامیہ کپڑے فراہم کرے گی کیونکہ حوالاتی بچوں کی مناسب دیکھ بھال حکومت اور جیل انتظامیہ کی ذمہ داری ہے۔ جیلوں میں ڈسپلن اور قیدیوں کے حقوق میں توازن قائم کیا جانا ہمارا عزم ہے۔ کسی بھی قیدی کے ساتھ غیر انسانی برتاؤ ہرگز برداشت نہیں گریں گے۔

جواب چھوڑیں

آپ کا ای میل ایڈریس شائع نہیں کیا جائے گا.