وزیراعظم عمران خان نے کہا ہے کہ سیاسی یتیم سمجھ رہے ہیں میں استعفیٰ دے دوں گا،سن لیں ،عمران خان نے تمہیں نہیں چھوڑنا

باغی ٹی وی کی رپورٹ کے مطابق وزیراعظم عمران خان نے گلگت میں جلسہ عام سے خطاب کرتے ہوئے کہا کہ آج گلگت بلتستان کی یوم آزادی کا دن ہے،گلگت بلتستان کے عوام کے ساتھ یوم آزادی منانے آیاہوں،52سال پہلے گلگت آیا تھا،سارا علاقہ  جانتا ہوں ،کوئی سیاستدان ایسا نہیں جو میری طرح گلگت بلتستان کا چپہ چپہ جانتاہو،گلگت بلتستان کے عوام کے مسائل  جانتا ہوں،گلگت بلتستان کے کئی علاقے پیچھے رہ گئے گلگت بلتستان پروہ توجہ دی جائےگی جوکسی حکومت نےنہیں دی  ،گلگت بلتستان میں سیاحت پر توجہ نہیں دی گئی،گلگت بلتستان سوئٹزرلینڈ سے دوگنا ہے،سوئٹزرلینڈ میں انفراسٹریکچر اور سہولتیں ہیں،سوئٹزرلینڈ میں بہت زیادہ سیاح آتے ہیں،میں نے دنیا بھر کے خوبصورت ملک دیکھے ہیں،ہمارے پاس سہولتیں نہیں کہ لوگ باہر سے انفراسٹریکچر دے سکیں،

وزیراعظم عمران خان نے مزید کہا کہ گلگت بلتستان کےلیے اسکیم بنا رہا ہوں،سروس انڈسٹری کےلیے کالجز کے قیام پر بات ہورہی ہے،گلگت بلتستان کے نوجوانوں کو نوکریاں ڈھونڈھنے بیرون ملک نہیں جانا پڑےگا،گلگت بلتستان کابینہ سے ہائیڈرو الیکٹرک منصوبے پر بات چیت کی ہے،چاہتے ہیں عوام کو سردیوں میں بجلی کا کوئی مسئلہ نہ ہو،گلگت بلتستان میں فوڈ پروسیسنگ پلانٹ لگایاجائےگا،

وزیراعظم عمران خان کا مزید کہنا تھا کہ ایک آزادی مارچ اسلام آباد میں ہورہا ہے،اسلام آباد میں لوگ بڑی تعداد میں جمع ہیں، دیکھنا ہے یہ لوگ کس سے آزادی لینے آئے ہیں،پیپلزپارٹی والے کہیں گے مہنگائی ہوگئی ہے،مسلم لیگ ن والوں کو پتہ ہی نہیں وہ کیوں اسلام آباد آئے ہیں،جے یوآئی والے کہیں گے اسلام آباد پر یہودی قبضہ کررہے ہیں،فضل الرحمان کے ہوتے ہوئے یہودیوں کی ضرورت ہی نہیں ہے ،ووٹ اورپیسے کے لیے اسلام کونقصان پہنچایا جاتا ہے،

وزیراعظم عمران خان کا مزید کہنا تھا کہ ڈیزل کے پرمٹ پر فضل الرحمان کا اسلام بک جاتا ہے،لوگ سمجھتےہیں فضل الرحمان  اسلام کا ٹھیکےدار ہے،سوشل میڈیا کازمانہ ہے چیزیں نہیں چھپتیں،لوگ جانتے ہیں اصلیت کیا ہے،جے یو آئی کی مخالفت کرنے والامحمود اچکزئی بھی آگیا ہے،ایسا لگتا ہے فضل الرحمان بھارتی شہری ہے،بھارتی میڈیا فضل الرحمان کودکھا کر خوش ہے،فضل الرحمان کے ہوتے ہوئے یہودیوں کی سازش کی ضرورت ہی نہیں ہے ،آپ نے جتنی مرضی بیٹھنا ہے بے شک بیٹھیں ،جب آپ کا کھانا ختم ہوجائے گا ہم بھجوادیں گے،آپ کو این آر او نہیں ملے گا اصل بات یہ ہے کہ آپ کے کرپشن کیسز سامنے آگئے ہیں ،ملک کے 3بار وزیراعظم کے بیٹے ملک سے باہر بیٹھے ہوئے ہیں،سابق وزیرخزانہ بھی ملک سے باہر بیٹھےہوئے ہیں شہبازشریف کے داماد بھی باہر بیٹھے ہوئے ہیں ،آپ نے چوری نہیں کی تو باہر کیوں بھاگ گئے؟

غیرت مند انسان اللہ کے سوا کسی کی غلامی قبول نہیں کرتا،وزیراعظم

وزیراعظم عمران خان کا مزید کہنا تھا کہ سب سے زیادہ مہنگائی تو پیپلزپارٹی کے دور میں تھی ،میں نے 22سال کرپشن کے خلاف جدوجہد کی ہے،یہ سمجھتے ہیں مل کر دباوَ ڈالیں گے اور میں این آر او دے دوں گا،اللہ سے وعدہ کیا تھا ملک کو مقروض کرنے والوں کو جیلوں میں ڈلواوَں گا،ان لوگوں نے6 ارب کا قرض 30 ارب ڈالر پرپہنچادیا،بلاول بھی لبرل کا لیبل لگاکر مارچ میں شرکت کرنےآیا ہے ،ان سے حساب مانگیں تو کہتے ہیں پاکستانی شہری نہیں،اپوزیشن سے حساب مانگیں تو کہتے ہیں جمہوریت خطرے میں ہے،پیسہ ملک سے باہر بھیجنے سے بجلی ٹرانسپورٹ مہنگی ہوجاتی ہے،کرپشن کے لیے ادارے تباہ کیے جاتے ہیں،کرپشن کے باعث ملک ڈوب جاتا ہے

وزیراعظم عمران خان کا مزید کہنا تھا کہ میں نےباہرفلیٹ لیاتھا، اس کا سپریم کورٹ میں حساب دیا،سیاسی یتیم سمجھ رہے ہیں میں استعفیٰ دے دوں گا،سن لیں ،عمران خان نے تمہیں نہیں چھوڑنا ،مجھے سیاست کی ضرورت ہی نہیں تھی ،مجھے اللہ نے سب کچھ دے رکھا تھا،ان چوروں کی وجہ سے ہم آج قرضے میں ڈوبے ہوئے ہیں،جتنا ٹیکس اکٹھا ہوا اس کا آدھا قرض کی قسطیں ادا کرنے میں لگ گیا،جب تک ان کوسزائیں نہیں ملیں گی،لوگ چوری سے نہیں ڈریں گے،آپ نے چوری نہیں کی تو حساب دو،