سعد فاروق
اسلام آباد: جمعیت علمائے اسلام (ف) کے سربراہ مولانا فضل الرحمان نے امریکی سفارتخانے کی جانب سے دی گئی دعوت قبول کر لی ہے۔
ذرائع کے مطابق جمعیت علمائے اسلام (ف) کے سربراہ مولانا فضل الرحمان کی رہائش گاہ پر امریکی ناظم الامور سے اہم ملاقات ہوئی، جس میں مختلف امور پر تبادلہ خیال کیا گیا۔ذرائع کے مطابق ملاقات خوشگوار ماحول میں ہوئی، جس کے دوران امریکی ناظم الامور نے مولانا فضل الرحمان کو امریکہ کے یومِ آزادی کی تقریب میں شرکت کی دعوت دی، جو انہوں نے قبول کر لی۔
ملاقات میں باہمی دلچسپی کے امور، خطے کی صورتحال اور پاک امریکہ تعلقات پر بھی گفتگو کی گئی۔ مولانا فضل الرحمان آئندہ دنوں میں امریکی سفارتی حکام سے ملاقات کریں گے، جس میں باہمی دلچسپی کے امور اور ملکی سیاسی صورتحال پر تبادلہ خیال متوقع ہے۔
