ایف بی آر کا اپنے ہی افسران پرٹیکس چوری میں ملوث ہونے کا الزام

کراچی:فیڈرل بورڈ آف ریونیو(ایف بی آر) نے اپنے ہی افسران پر شوگر ملز سے ٹیکس چوری میں ملوث ہونے کا الزام عائد کیا ہے-

باغی ٹی وی فیڈرل بورڈ آف ان لینڈ ریونیو نے شوگر ملز پر تعینات ایف بی آر افسران کی لاپرواہی پر نوٹیفکیشن جاری کردیا اور کہا کہ شوگر ملز پر تعینات افسران کا رویہ غیر پیشہ وارانہ اور غیر مؤثر ہے،اور متعلقہ چیف کمشنرز کو کارروائی کی ہدایت کردی۔

نوٹیفکیشن میں کہا گیا کہ شوگر ملز پر ایف بی آر افسران کی لاپرواہی سےٹیکس چوری کی شکایات موصول ہورہی ہیں، شوگر ملز کے متعلقہ چیف کمشنرزغفلت برتنے والےافسران کو وارننگ جاری کرکے کاروائی کریں، شوگر ملز کی ڈیوٹی پر مامور افسران اوقات کار کی پابندی نہیں کررہے ہیں اور رات کی ڈیوٹی سے غیرحاضر رہے ہیں۔