فرروی میں ملک کے شمال اورمغربی حصوں میں بارشیں معمول سے کم ہوں گی

محکمہ موسمیات کے مطابق ملک کےبیشترعلاقوں میں موسم سرد ورخشک رہے گا-

باغی ٹی وی: محکمہ موسمیات کے مطابق شمالی بلوچستان اوربالائی علاقوں میں موسم سرد رہےگا،خیبرپختونخوا،آزادکشمیراورگلگت بلتستان میں چندمقامات پر ہلکی بارش متوقع ہے،آزادکشمیراورگلگت میں پہاڑوں پر ہلکی برفباری کا امکان ہے-

محکمہ موسمیات کے مطابق پنجاب کےمیدانی علاقوں میں دھند ہو گی،اسلام آبادمیں موسم سرداور مطلع جزوی ابرآلود رہنے کا امکان ہے،مری،گلیات اور گردونواح میں موسم سرد رہےگا-

محکمہ موسمیات کے مطابق سکھر،گھوٹکی اورجیکب آباد میں دھند ہو گی ،چترال، دیر،سوات،مالاکنڈ ،ایبٹ آباد،مانسہرہ میں ہلکی بارش متوقع ہے، کوہستان، کرم اور وزیرستان میں بارش کا امکان ہے-

محکمہ موسمیات نے کا کہنا ہے کہ فروری میں درجہ حرارت معمول سے زیادہ رہے گا فرروی میں ملک کے شمال اورمغربی حصوں میں بارشیں معمول سے کم ہوں گی، خشک سالی کے باعث گندم کو زیادہ پانی کی ضرورت ہوگی۔
مو
محکمہ موسمیات کا کہنا ہے کہ فروری کے دوران جنوبی پنجاب اور سندھ میں بارشیں معمول کے مطابق ہوں گی فروری میں دھند کا سلسلہ کم پڑ جائے گا جبکہ خشک موسم اوردرجہ حرارت بڑھنے کے باعث پولن کا آغاز جلد ہوگا۔