اسلام آباد: نگران وزیر اعظم انوار الحق کاکڑ نے وفاقی کابینہ کا اجلاس طلب کرلیاہے۔
باغی ٹی وی : تفصیلات کے مطابق نگران وفاقی کابینہ کا اجلاس 10 جنوری بدھ کے روز منعقد ہوگا،وفاقی کابینہ اجلاس میں 13 نکاتی ایجنڈا پیش ہوگا، اجلاس میں ملکی معاشی و امن و امان کی صورتحال پر غور ہوگا۔
اجلاس میں الیکشن کے انعقاد کیلئے الیکشن کمیشن کی ضروریات کا جائزہ لیاجائے گا، کراچی میں سپریم کورٹ کی برانچ رجسٹری کیلئے مختص اراضی کووفاقی عدالتوں ‘ ٹر بیو نلز کی بلڈنگز کی تعمیر کیلئے استعمال کرنے کی منظوری دی جا ئے گی، یہ سمری وزارت قانون و انصاف نے کابینہ کو بھیجی ہے۔
