پشاور:پاکستان تحریک انصاف (پی ٹی آئی) کے رہنما شیر افضل مروت کا کہنا ہے کہ میرے بیان کو نجی ٹی وی پرغلط طریقے سے چلایا گیا-
باغی ٹی وی : خیبرپختونخوا ہاؤس کے باہر میڈیا سے گفتگو کرتے ہوئے شیر افضل مروت نے کہا کہ کور کمیٹی نے مرکز اور صوبوں میں بھرپور احتجاجی تحریک چلانے کا فیصلہ کیا ہے، جس کے تحت پہلا جلسہ اسلام آباد میں 30 مارچ کو ہوگا،اجلاس میں تمام غلط فہمیوں کو دور کیا گیا، اب ہمارے درمیان کوئی غلط فہمی نہیں ہے، آج خوشگوار ماحول میں اجلاس ہوا ہے،جو بھی فیصلے آئندہ ہوں گے وہ کور کمیٹی کے ذریعے ہی ہوں گے، پنجاب، سندھ اور خیبرپختونخوا کے اراکین بھی آئندہ کیسز کی سماعت کے دوران عدالتوں میں پہنچیں گے، جہاں ہم ہم احتجاج کریں گے، ہمارے خلاف مقدمات ٹھوکتے ہیں تو ٹھوکیں۔
مرکزی بینک کا شرح سود 22 فیصد پر برقرار رکھنے کا اعلان
انہوں نے کہا کہ میرے بیان کو نجی ٹی وی پرغلط طریقے سے چلایا گیا، کہا گیا کہ میں نے کہا ہے گزشتہ دور حکومت میں خیبرپختونخوا میں اربوں روپے کی کرپشن ہوئی، میں نے یہ کہا کہ محمود خان اور پرویز خٹک جیسے لوگ پی ٹی آئی سے الگ ہو کر گنگا میں نہا کر پاک صاف ہوگئے؟ہم ہر فیصلہ بانی چیئرمین پی ٹی آئی سے منظور کرواتے ہیں، پہلے بھی کور کمیٹی فیصلے کرتی تھی اب بھی وہی کرے گی۔
