فیاض الحسن چوہان ایک بار پھر آج بنیں گے وزیر

فیاض الحسن چوہان کو ایک بار پھر کابینہ میں شامل کرنے کا فیصلہ کر لیا گیا ہے، فیاض الحسن چوہان آج شام حلف اٹھائیں گے

فیاض الحسن چوہان کو ایک بار پھر بڑا عہدہ مل گیا

باغی ٹی وی کی رپورٹ کے مطابق سابق صوبائی وزیر فیاض الحسن چوہان کو دوبارہ پنجاب کی کابینہ میں شامل کرنے کا فیصلہ کیا گیا ہے، فیاض الحسن چوہان کی حلف برداری کی تقریب شام پانچ بجے گورنر ہاوس میں ہوگی، حلف برداری کی تقریب میں وزیراعلی پنجاب، صوبائی وزرا اور دیگر حکام شریک ہوں گے، قائم مقام گورنر پنجاب چوہدری پرویز الہی حلف لیں گے۔ فیاض الحسن چوہان کو کون سا محکمہ دیا جائے گا اس کا فیصلہ بعد میں ہو گا.

واضح رہے کہ فیاض الحسن چوہان نے وزارت اطلاعات سے استعفیٰ دیا تھا فیاض الحسن چوہان کے متنازع بیان پر وزیراعظم عمران خان نے وزیراعلیٰ پنجاب عثمان بزدار کو ایکشن کرنے کی ہدایت کی تھی ۔وز یر اعظم نے اس بیان کو نا منا سب قرار دیتے ہوئے ہدایت جاری کی تھی کہ کسی اقلیت کے خلاف مذہبی بنیاد پر بیان برداشت نہیں کیا جائے گا۔وزیراعلیٰ پنجاب عثمان بزدار نے فیاض الحسن چوہان سے کہا تھا کہ ہندو برادری کے بارے متنازع بیان سے حکومت کو سبکی ہو رہی ہے۔فیاض الحسن چوہان نے وزیر اعلیٰ پنجاب کو وضاحت بھی پیش کی تاہم اس وضاحت کو قبول نہ کیا گیا اور انہیں عہدے سے فارغ کردیا گیا

فیاض الحسن چوہان کو اس سے قبل پنجاب حکومت کا ترجمان بھی بنایا گیا تھا.

جواب چھوڑیں

آپ کا ای میل ایڈریس شائع نہیں کیا جائے گا.