فیفا ورلڈ کپ؛ تیسری پوزیشن کیلئے مراکش اور کروشیا مدمقابل

دوحہ :فیفا ورلڈ کپ میں تیسری پوزیشن کیلئے مراکش اور کروشیا مدمقابل ہیں، پہلے ہاف میں دونوں ٹیمیں ایک ایک گول کرچکی ہیں۔دونوں ٹیموں کا میچ قطر کے خلیفہ انٹرنیشنل اسٹیدیم میں کھیلا جارہا ہے جہاں فٹبال شائقین کی بڑی تعداد اپنی فیورٹ ٹیم کو سپورٹ کرنے کیلئے موجود ہے۔

سیمی فائنل میں ارجنٹینا نے کروشیا کو 3-0 جبکہ فرانس نے اپ سیٹ اسپیلشسٹ مراکش کو 2-0 سے شکست دی تھی۔فائنل میچ میں اتوار کو رات 8:00 بجے دو دو بار ٹائٹل جیتنے والے دو سابق چیمپئنز فرانس اور ارجنٹینا آمنے سامنے ہوں گے۔

ارجنٹینا نے 1978 اور1986 میں ٹرافی اٹھائی تھی جبکہ فرانس نے 1998 اور 2018 میں فٹبال ورلڈ کپ اپنے نام کیا تھا۔فائنل میں دفاعی چیمپئن فرانس ٹائٹل کا دفاع کررہا ہے اگر وہ اس میں کامیاب رہا تو 1962 میں برازیل کے بعد ٹائٹل کا دفاع کرنے والی دوسری ٹیم بن جائے گی۔