fbpx

فلم کی ناکامی کی صورت میں ایک روپیہ بھی معاوضہ نہیں لیتا عامر خان

بالی ووڈ سُپر اسٹار عامر خان نے انکشاف کیا ہے کہ وہ باکس آفس پر فلم کی ناکامی کی صورت میں ایک روپیہ بھی معاوضہ نہیں لیتے خواہ کتنی ہی محنت کیوں نہ کی ہو-

باغی ٹی وی : بھارتی میڈیا کے مطابق اداکار عامر خان نے ایک تقریب کے دوران فلم کے معاوضے سے متعلق بات کرتے ہوئے کہا کہ میرا دستور ہے کہ باکس آفس پر فلم کی ناکامی کی صورت میں ایک روپیہ بھی معاوضہ نہیں لیتا خواہ کتنی ہی محنت کیوں نہ کی ہو۔

عامر خان نے کہا کہ میں معاوضہ تب ہی وصول کرتا ہوں جب فلم پر خرچ کی ہوئی رقم نہ صرف واپس آجائے بلکہ فلم سے جڑے تمام افراد کو اُن کا معاوضہ ادا کر دیا جائے بعد ازاں اگر فلم اپنے مقرر بجٹ سے دگنا فائدے میں ہوتی ہے تو پھر میں اپنا معاوضہ منافع میں سے وصول کرتا ہوں۔

مسٹر پرفیکشنسٹ نے کہا کہ میں فلم کی ریلیز سے قبل اپنا معاوضہ لینے کا نہیں سوچتا کیوںکہ میں نہیں چاہتا کہ فلم کی ناکامی کی صورت میں کسی کو نقصان کا سامنا کرنا پڑے کیوںکہ اس بات کو میں اپنی ذمہ داری سمجھتا ہوں۔

واضح رہے کہ 1988ء میں فلم ’’قیامت سے قیامت تک‘‘ میں جوہی چاولہ کے مدمقابل ڈیبیو کرنے والے عامر خان پہلی ہی فلم سے چاہنے والوں کو اپنی جانب مائل کرنے میں کامیاب رہے۔

انہوں نے اپنے فنی کیریئر میں ’’ہم ہیں راہی پیار کے، انداز اپنا اپنا، راجہ ہندوستانی، سرفروش، لگان، منگل پانڈے، رنگ دے بسنتی، تارے زمین پر، گجنی، تھری ایڈیٹ‘‘، دنگل‘‘ جیسی کئی سپرہٹ فلموں میں کام کیا۔

جواب چھوڑیں

آپ کا ای میل ایڈریس شائع نہیں کیا جائے گا.