وفاقی وزیرِ خزانہ و محصولات سینیٹر محمد اورنگزیب نے آئی ایم ایف – ورلڈ بینک اسپرنگ میٹنگز کے موقع پر واشنگٹن ڈی سی میں فلپ مورس انٹرنیشنل کے نائب صدر، جناب کرسٹوس ہارپانڈیتس سے ملاقات کی۔
وزیرِ خزانہ نے پاکستان میں کمپنی کی دیرینہ سرمایہ کاری اور اس کے اقتصادی کردار کو سراہا۔ انہوں نے ملک میں بہتری کی جانب گامزن کاروباری ماحول اور حکومت کی ٹیکس اصلاحات پر روشنی ڈالی، جن کی بنیاد افراد، نظام اور ٹیکنالوجی پر رکھی گئی ہے۔وزیرِ خزانہ نے تمباکو نوشی کی غیر قانونی پیداوار اور فروخت کی روک تھام کے لیے مؤثر نفاذ اور تعمیل کو یقینی بنانے کی ضرورت پر زور دیا۔ انہوں نے بتایا کہ ٹیکس پالیسی آفس کو وزارتِ خزانہ میں منتقل کر دیا گیا ہے تاکہ محصولات اور ٹیرف سے متعلق فیصلے معاشی قدر کو مدنظر رکھتے ہوئے کیے جا سکیں۔
آخر میں، وزیرِ خزانہ نے فلپ مورس انٹرنیشنل سے درخواست کی کہ وہ اپنی ٹیکس تجاویز وزارتِ خزانہ کے ساتھ شیئر کرے۔
