اوچ شریف،باغی ٹی وی(نامہ نگارحبیب خان) تحصیل یزمان کے علاقے چک 108 ڈی این بی، ہیڈ راجکان میں جاز کے موبائل ٹاور کی بیٹریوں میں اچانک آگ بھڑک اٹھی، جس کے باعث شدید دھواں اٹھنے لگا۔
ریسکیو ذرائع کے مطابق آگ ممکنہ طور پر شارٹ سرکٹ کے باعث لگی۔ اطلاع ملتے ہی ریسکیو 1122 کی ٹیم فوری طور پر موقع پر پہنچی اور فائر فائٹنگ آپریشن شروع کر دیا۔ ریسکیو اہلکاروں نے پیشہ ورانہ مہارت کا مظاہرہ کرتے ہوئے آگ پر قابو پا لیا، جبکہ کولنگ کا عمل جاری ہے تاکہ دوبارہ آگ بھڑکنے کا خدشہ نہ رہے۔
حادثے میں کوئی جانی نقصان نہیں ہوا تاہم علاقے میں عارضی طور پر موبائل سگنلز متاثر ہونے کا خدشہ ہے۔ علاقہ مکینوں نے ریسکیو ٹیم کی بروقت کارروائی کو سراہتے ہوئے کہا کہ اگر فوری اقدامات نہ کیے جاتے تو نقصان زیادہ ہو سکتا تھا۔
