سیالکوٹ :ریکارڈ یافتہ ملزمان کی رنگپورہ پولیس پرفائرنگ، زد میں آ کر ایک ملزم اور راہگیر خاتون زخمی

سیالکوٹ،باغی ٹی وی (سٹی رپورٹرشاہد ریاض)تھانہ نیکاپورہ کے علاقہ ڈھکی شوالہ میں متعدد مقدمات میں ریکارڈ یافتہ ملزمان نے رنگپورہ پولیس پارٹی پر فائرنگ کی ملزمان کی فائرنگ کی زد میں آ کر ایک ملزم اور راہگیر خاتون زخمی
تفصیل کے مطابق تھانہ رنگپورہ پولیس کی ٹیم نے اقدام قتل میں ملوث ملزم حیدر علی جو ڈھکی شوالہ میں شیخ عنصر کے گھر چھپا ہوا تھا پر چھاپہ مارا پولیس کو دیکھتے ہی ملزم حیدر علی اور شیخ عنصر نے چھت سے پولیس پر فائرنگ شروع کر دی پولیس اہلکاروں نے گلی کی اوٹ میں چھپ کر جان بچائی،پولیس کی جانب سے فائرنگ کی اطلاع ملتے ہی ایس ایچ او رنگپورہ قیصر بشیر گھمن موقع پر پہنچے اور ملزمان سے خود کو پیش کرنے کا کہا تاہم ملزمان پولیس پارٹی پر فائرنگ کرتے رہے جو ایک گولی راہگیر خاتون کشور سلطانہ کو لگی جبکہ حیدر علی کی فائرنگ کی زد میں آ کر ملزم عنصر بھی زخمی ہو کر گر پڑا جبکہ ملزم حیدر علی فرار ہونے میں کامیاب ہو گیا ملزم عنصر کے بارے بتایا جا رہا ہے کہ وہ تھانہ نیکاپورہ میں منشیات۔ڈکیتی اور اقدام قتل کی وارداتوں میں ملوث رہا ہے واقعہ کی اطلاع ملتے ہی پولیس کی بھاری نفری موقع پر پہنچ گئی اور زخمی خاتون و زخمی ملزم کو ہسپتال منتقل کرتے ہوئے تحقیقات شروع کر دیں
پولیس پارٹی پر فائرنگ کرنے کا مقدمہ ایس ایچ او تھانہ رنگپورہ قیصر بشیر گھمن کی مدعیت میں تھانہ نیکاپورہ میں درج کر لیا گیا ہے۔