اسلام آباد کے سیکٹر آئی الیون میں ملزمان نے ذاتی دشمنی کے سبب دن دیہاڑے فائرنگ کرکے میاں بیوی کو قتل کردیا-
باغی ٹی وی: فائرنگ کا واقعہ میٹروکیش اینڈ کیری کے قریب پیش آیا جس میں ملزمان میاں اور بیوی پر فائرنگ کرکے فرار ہوگئے، فائرنگ کے واقعے جوڑے کے ساتھ ان کا دو سالہ بچہ بھی موجود تھا جو محفوظ رہا فائرنگ کے بعد ملزمان اسلحہ لہراتے ہوئے فرار ہو گئے جبکہ ریسکیو عملے نے موقع پر پہنچ کر لاشوں کو ہسپتال منتقل کر دیا،واقعے کے بعد تھانہ سبزی منڈی پولیس موقع پر پہنچ گئی اور تحقیقات شروع کردیں-
فائرنگ کے بعد معصوم بچہ اپنے ماں باپ کے ساتھ گزرے ہوئے حادثے سےبےخبر ہوکر معصومیت کے ساتھ اپنا کیپ اور اپنی فیڈر اٹھائے ماں باپ کی لاشوں کے درمیان گھومتا رہا، درد ناک واقعے کی ویڈیو سوشل میڈیا پر وائرل ہوگئیں-
چوہدری پرویز الہٰی کی رہائی کیلئے سپریم کورٹ سے رجوع
واقعے پر اسلام آباد پولیس کے ترجمان کا بیان سامنے آگیا، ترجمان نے کہا ہے کہ مقتولین کی شناخت ریحانہ سردار اور ظفر اقبال کے نام سے ہوئی، مقتولین کو ذاتی تنازع پر ان کے رشتہ داروں نے قتل کیا، ملزمان کی شناخت ہوچکی ہے جن کی گرفتاری کے لیے چھاپے مارے جارہے ہیں۔
دوسری جانب حکومت اور آئی جی پولیس کے تبدیل ہونے کے باوجود کراچی کے حالات نہ بدل سکے، سی پی ایل سی کے مطابق شہر میں ماہ اگست کے دوران ساڑھے آٹھ ہزار سے زائد وارداتیں ہوئیں سی پی ایل سی کا کہنا ہے کہ رواں سال اسٹریٹ کرائم کی وارداتیں 60 ہزار تک جا پہنچیں۔
ارشد شریف کی اہلیہ کے وارنٹ گرفتاری جاری
سی پی ایل سی کے مطابق کراچی میں اگست کے دوران 8 ہزار 553 جرائم کی وارداتیں رپورٹ ہوئیں شہر میں اوسطاً یومیہ 285 وارداتیں رپورٹ ہوئیں، جولائی کی نسبتاً اگست میں گاڑیاں چھیننے کی وارداتوں میں 300 فیصد اضافہ ہوا 790 موٹرسائیکلیں اور 48 گاڑیاں اسلحے کے زور پر چھینی گئیں۔
سی پی ایل سی نے اپنی رپورٹ میں کہا کہ شہر سے 4604 موٹرسائیکلیں اور 183 گاڑیاں چوری کی گئیں جولائی کے مقابلے اگست میں 39 فیصد موٹرسائیکلیں چوری ہوئیں شہر میں 23 فیصد موبائل فونز چھیننے کی وارداتیں بڑھ گئیں، اگست میں 2582 موبائل فونز چھینے گئے، جولائی 2023 کے دوران شہر میں 7 ہزار 521 اسٹریٹ کرائمز ہوئے۔
