مسافر کا دوران پرواز فضائی میزبان پر حملہ کرنے کا ایک اور واقعہ سامنے آ گیا

کوالالمپور: ملائیشیا کے دارالحکومت کوالالمپور سے آسٹریلوی شہر سڈنی جانے والی پرواز مسافر کی جانب سے فضائی میزبانوں پر حملے کا واقعہ پیش آیا ہے-

باغی ٹی وی: غیر ملکی خبر رساں ادارے کے مطابق ملائیشیا کے دارالحکومت کوالالمپور سے آسٹریلوی شہر سڈنی جانے والی پرواز میں مسافر نے جہاز کا دروازہ کھولنے کی کوشش کی، مذکورہ شخص پر طیارے میں موجود مسافروں کی حفاظت کو دو مرتبہ خطرے میں ڈالنے اور ایک مرتبہ حملے کرنے کا الزام لگایا گیا ہے ، ملزم کو ہر جرم میں زیادہ سے زیادہ 10 سال قید کی سزا سنائی جاسکتی ہے۔

سڈنی پولیس کے مطابق سڈنی ائیرپورٹ پر 46 سالہ اردنی شہری نے گزشتہ اتوار کو طیارے کا دروازہ کھولنے کی دوبار کوشش کی اور روکے جانے پر کیبن کریو کے ایک رکن پر حملہ بھی کیا، مذکورہ شخص نے دوران پرواز پہلے ہوائی جہاز کے پچھلے ایمرجنسی ایگزٹ ڈور کو کھولنے کی کوشش کی جس پر عملے کی جانب سے مذکورہ شخص کو ائیر لائن کی درمیانی سیٹ پر بٹھادیا گیا، تاہم ایک بار پھر مسافر نے طیارے کا سینٹرل دروازہ کھولنے کی کو شش کی اور جب اس شخص کو عملے اور مسافروں کی جانب سے روکا گیا تو اس دوران اس نے مبینہ طور پر ائیر لائن کے عملے کے ایک رکن پر بھی حملہ کیا۔

چاغی میں سونا اور تانبا دریافت،جدید ڈرلنگ شروع

واضح رہے کہ گزشتہ روز بھی پی آئی اے کی پیرس پرواز پی کے 749 کے دوران ایک مسافر نے سگریٹ پینے سے منع کرنے پر ایئر ہو سٹس پر حملہ کردیا تھا جس کے بعد فرانسیسی پولیس نے مسافر کو گرفتار کرلیا تھا-

ملاقات کیلئے آئے پی ٹی آئی رہنماؤں کو عمران خان سے ملنے سے روک دیاگیا