سرگودھا،باغی ٹی وی ( نامہ نگار ملک شاہنواز جالپ ) سرگودھا پریس کلب کے زیر اہتمام فلڈ لائٹ قائد اعظم سپورٹس گالا کرکٹ ٹورنامنٹ کا افتتاح ایس پی ہیڈکواٹر ضیاءاللہ خان نے بیٹ سے شاٹ لگا کر کیا اس موقع پر سیاسی رہنما اشرف برہان، صدر کلب مہر آصف حنیف ،جنرل سیکرٹری راناساجداقبال اور دیگر عہدیداران، ممبران اور شائقین کی بڑی تعداد بھی موجود تھی۔
مہمان خصوصی کے ساتھ کھلاڑیوں کا گروپ فوٹو اور تعارف کرایا گیا۔معزز مہمانوں کا کلب آمد پر پھولوں کے ہار پہنا کر استقبال کیا گیا اور گراؤنڈ میں موجود کھلاڑیوں اور شائقین میں زبردست جوش و خروش رہا، میچ کے پہلے روز پریس کلب لائن اور پریس کلب ایگل کے درمیان زبردست مقابلہ ہوا
دوسرا میچ پریس کلب پینتھر اور پریس کلب یونائیٹڈ کے درمیان کھیلا گیا، ایک زبردست اور سنسنی خیز مقابلے کے بعد پریس کلب لائنز اور پریس کلب پینتھر نے میچ جیت لیا
