پنجاب: ایک ماہ میں آٹے کی قیمت میں تیسری مرتبہ اضافہ کردیا گیا ہے۔
باغی ٹی وی : میڈیا رپورٹس کے مطابق 300 روپے کے اضافے سے20 کلو آٹے کے تھیلے کی قیمت 3 ہزار روپے سے زائد ہو گئی ہے،پنجاب کے کئی شہروں میں 10 کلو آٹے کا تھیلا 1500 روپے میں فروخت ہورہا ہے۔
دوسری جانب ادارہ شماریات نے مہنگائی سے متعلق ہفتہ وار رپورٹ جاری کردی ہےہفتہ وار مہنگائی میں 9.95 فیصد کا بڑا اضافہ ہوگیا ہے، ملک میں مہنگائی کی مجموعی سالانہ شرح 41.90 فیصد ہوگئی،ایک ہفتے میں 25 اشیاء ضروریہ کی قیمتوں میں اضافہ ہوا،گیس کی قیمتوں میں480 فیصد کا اضافہ ہوا،ایک ہفتے میں چائے کی پتی 8.88فیصد مہنگی ہوئی دال مسور 5.28 اور چکن 3.99 فیصد مہنگا ہوا ،ایک ہفتے میں لہسن 3.09 اور نمک کی قیمت میں2.93 فیصداضافہ ہوا،آٹا 2.64 ، ایل پی جی 2.03 اورآلو 2 فیصد مہنگے ہوئے،ایک ہفتے میں13 اشیاء سستی،13 کی قیمتیں مستحکم رہیں جبکہ ٹماٹر11.16 اور چینی 4.24 فیصد سستی ہوئی،پیٹرولیم مصنوعات ،پیاز،گھی اور کوکنگ آئل بھی سستا ہوا۔
