فیلڈ مارشل نے پوری دنیا کے سامنے خود کو پاکستان کا محافظ ثابت کیا

سابق فوجیوں کی تنظیم ایکس سروس مین سوسائٹی نے 9 مئی کے واقعات کے مقدمات کا جلد فیصلہ کرنے اور بانی پی ٹی آئی کے خلاف کارروائی کا مطالبہ کر دیا-

ایکس سروس مین سوسائٹی نے راولپنڈی پریس کلب میں پریس کانفرنس کی جہاں چیف کوآرڈینیٹر عزیز اعوان نے کہا کہ ادارے کی قیادت پر مکمل اعتماد ہے اور یہ ان کے ذاتی اور تنظیمی خیالات ہیں،ایکس سروس مین سوسائٹی نے کہا کہ ایک سیاسی جماعت قومی سلامتی اداروں کیخلاف کھل کر سامنے آگئی،یہ سیاسی نہیں دہشت گرد جماعت بن گئی ، پابندی عائد کی جائے-

وانا میں 8 دسمبر کو مکمل کرفیو نافذ، نوٹیفکیشن جاری

ایکس سروس مین سوسائٹی نے کہا کہ فیلڈ مارشل کے خلاف منفی پراپیگنڈےکی مذمت کرتے ہیں ،پی ٹی آئی بھارت اور دہشتگردوں کے ہاتھوں میں کھیل رہی ہے ،پی ٹی آئی دہشتگردوں کی سہولت کار بن چکی ہے، پابندی لگنی چاہیے ،پی ٹی آئی کو صرف حکومت چاہیے،حکومت مل جائے تو یہ فیلڈ مارشل کے گیت گانا شروع کر دیں گے، 9مئی کے مقدمات کا جلد فیصلہ کر کے بانی پی ٹی آئی کو سزا دی جائے،بانی پی ٹی آئی9مئی کا ملزم ہے،فوری طور پر سزا دی جائے ،فیلڈ مارشل نے پوری دنیا کے سامنے خود کو پاکستان کا محافظ ثابت کیا –

پاکستان ہماری ذات، انا اور سیاست سے مقدم ہے،خواجہ آصف

جنرل ریٹائرڈ عبد القیوم نے کہا کہ ملک میں استحکام لانے کیلئے اتحاد کی ضرورت ہے ،ازلی دشمن بھارت ہے اور اس نے پاکستان کے خلاف جارحیت کی ، قوم کی دعاؤں سے فتح حاصل کی ،بھارت افغانستان کی سرزمین کو ہمارے خلاف استعمال کر رہاہے ،ادا ر ے کے لیڈر کو نشانہ بنانا ادارے کو نشانہ بنانا ہے-