لنڈی کوتل(باغی ٹی وی رپورٹ) خیبر سپورٹس کلب کے زیرِ اہتمام ہائی سکول گراؤنڈ پر جاری ایٹ سائیڈ فٹبال ٹورنامنٹ اختتام پذیر ہو گیا۔ فائنل میچ میں اسٹار ایف سی نے زوان شینواری فٹبال کلب کو پینلٹی ککس کے ذریعے شکست دے کر چیمپئن شپ اپنے نام کر لی۔
اس ٹورنامنٹ میں لنڈی کوتل بھر سے 30 ٹیموں نے حصہ لیا تھا، جس نے مقامی سطح پر فٹبال کے فروغ میں اہم کردار ادا کیا۔
فائنل میچ کے مہمانِ خصوصی لنڈی کوتل تھانہ کے ایس ایچ او عدنان آفریدی، خیبر سپورٹس کلب کے صدر معراج الدین شینواری، لنڈی کوتل تھانہ محرر تراب شینواری تھے۔ اس کے علاوہ معروف سماجی و سیاسی شخصیات، بشمول نوید بابو، بازار صدر یاد وزیر شینواری، ابودردا شینواری اور کونسلر حاجی شیر شینواری بھی تقریب میں شریک ہوئے۔
مہمانِ خصوصی نے فاتح اور رنر اپ ٹیموں کو انعامات سے نوازا اور ٹورنامنٹ کمیٹی کے لیے 50 ہزار روپے نقد انعام کا اعلان بھی کیا۔
اس ٹورنامنٹ کے کامیاب انعقاد پر خیبر سپورٹس کلب کو مبارکباد پیش کی جاتی ہے، جس نے لنڈی کوتل میں فٹبال کے کھیل کو فروغ دینے کے لیے قابل قدر خدمات انجام دی ہیں۔
