سیکیورٹی فورسز نے بلوچستان کے ضلع مستونگ میں بھارتی سرپرستی میں سرگرم دہشت گردوں کے خلاف آپریشن کیا، جس میں 4 دہشت گردوں کو ہلاک کر دیا گیا۔
پاک فوج کے شعبۂ تعلقاتِ عامہ (آئی ایس پی آر) کے مطابق دہشت گردوں نے سیکیورٹی فورسز کی گاڑی کو آئی ای ڈی دھماکے سے نشانہ بنایا، جس کے نتیجے میں میجر محمد رضوان طاہر، نائیک ابن امین اور لانس نائیک محمد یونس شہید ہو گئے۔آئی ایس پی آر نے بتایا کہ جوابی کارروائی اور کلیئرنس آپریشن میں 4 دہشت گردوں کو ہلاک کیا گیا۔بیان میں کہا گیا کہ میجر رضوان طاہر ایک نڈر اور بہادر افسر تھے، جنہوں نے دہشت گردی کے خلاف کئی آپریشنز میں فرنٹ لائن سے قیادت کی۔
آئی ایس پی آر کا کہنا ہے کہ علاقے میں دہشت گردوں کی مکمل بیخ کنی تک کلیئرنس آپریشن جاری رہے گا۔مزید کہا گیا کہ سیکیورٹی فورسز بھارتی اسپانسرڈ دہشت گردی کے خاتمے کے لیے پرعزم ہیں اور ہمارے شہداء کی قربانیاں ہمارے عزم کو مزید مضبوط کرتی ہیں۔
یہ گھناؤنا گناہ ہے، حزب اللّٰہ کا لبنانی کابینہ کی قرارداد پر ردعمل
برطانیہ میں سعودی طالبعلم کا بہیمانہ قتل، ایک شخص پر فردِ جرم عائد
جنوبی وزیرستان میں ڈپٹی کمشنر کی گاڑی پر حملہ، 2 اہلکار زخمی
پاک-ترکیہ بحری فورسز کی مشق، سمندر و خشکی میں آپریشنز کا عملی مظاہرہ
