Ayesha Rehmani
اسلام آباد سمیت ملک کے مختلف حصوں میں آج بھی آندھی ، بارش اور ژالہ باری کی پیشگوئی کی گئی ہے۔
محکمہ موسمیات کے مطابق آج اسلام آباد ، خیبر پختونخوا ،شمال مشرقی پنجاب ، شمال مشرقی بلوچستان اور کشمیر میں بعض مقامات پر بارش کا امکان ہے،دیر، سوات، مالاکنڈ، مانسہرہ اور پشاور میں آج بھی ہلکی بارش متوقع ہے، جبکہ پنجاب کے علاقوں مری، گلیات، راولپنڈی، اٹک اور چکوال میں بھی بارش ہو سکتی ہے،ملک کے کئی علاقوں میں موسم گرم اور خشک رہے گا، آج سب سے زیادہ گرمی سبی میں پڑے گی، جہاں درجہ حرارت 50 ڈگری تک جا سکتا ہے۔
علاوہ ازیں نواب شاہ میں درجہ حرارت 49 ، دادو 48، سکھر، بہاولپور47 ، حیدر آباد، ڈیرہ غازی خان میں 46، تربت ، ملتان 45 ، سرگودھا، ڈیرہ اسماعیل خان 44، ساہیوال، فیصل آباد 43 ، لاہور، بنوں 42، پشاور، کراچی اورکوئٹہ میں 39 ڈگری رہے گا۔
پاکستانی کوہ پیما نے دنیا کی بلند ترین چوٹی ایوریسٹ کو سر کر لیا
بحیرہ عرب میں بننے والے سمندری طوفان کے اثرات کے باعث کراچی سمیت سندھ اور بلوچستان میں شدید گرمی کی لہر برقرار رہنے کا خدشہ ظاہر کیا گیا ہے۔
محکمہ موسمیات نے خبردار کیا ہے کہ بحیرہ عرب میں بننے والے طوفانی سسٹم کے باعث کراچی میں سمندری ہوائیں بند رہیں گی، جس سے گرمی کی شدت میں غیر معمولی اضافہ ہوگا سورج کا پارہ 40 ڈگری سینٹی گریڈ کو چھو سکتا ہے، جبکہ ساحلی علاقوں میں گرمی 45 ڈگری سینٹی گریڈ تک محسوس کی جائے گی شہریوں کو بلا ضرورت گھروں سے باہر نہ نکلنے، دھوپ میں سفر سے گریز کرنے اور زیادہ پانی پینے کی ہدایت جاری کی گئی ہے۔
بھارت کی پاکستان کو ایک بار پھر ایف اے ٹی ایف کی گرے لسٹ میں شامل کرانے کی کوشش
ملک کے بیشتر علاقوں میں گرمی کی شدت کے پیش نظر محکمہ موسمیات اور طبی ماہرین نے شہریوں کو احتیاطی تدابیر اختیار کرنے کی ہدایت کی ہے۔ خاص طور پر بزرگ افراد، بچے اور بیمار افراد کو دن کے اوقات میں باہر نکلنے سے گریز کا مشورہ دیا گیا ہے، تاکہ ہیٹ اسٹروک اور دیگر موسمی اثرات سے بچا جا سکے۔
