کراچی : پی ائی اے کے بوگس ڈگری کے حامل پائلٹس کے گرد گھیرا تنگ کیا جارہا ہے اور اس سلسلے میں وفاقی تحقیقاتی ادارے (ایف آئی اے) نے جعلی ڈگری مقدمے میں نامزد قومی ایئر لائن کے سابق ملازم کو گرفتار کرلیا، ملزم بیرون ملک فرار ہوگیا تھا۔جس کی گرفتاری کی تصدیق بھی کردی گئی ہے
پی آئی اے کے اس پائلٹ کی گرفتاری کے حوالے سے کہا گیا ہے کہ جعلی ڈگری کیس میں نامزد پی آئی اے کا سابق انجنئیر کو ایف آئی اے کے عملے نے کراچی ائیرپورٹ سے گر فتار کرلیا ہے۔گرفتار ملزم محمد فرحان گزشتہ کافی عرصے سے بیرون ملک مقیم تھا، ایف آئی اے امیگریشن نے وطن واپسی پر واچ لسٹ میں نام شامل ہو نے پر اسے حراست میں لے لیا۔
’عمران خان کوسخت جواب دینےپرباتھ روم میں بندکیا گیا:بشیرمیمن نےتصدیق کردی
ذرائع کے مطابق مذکورہ ملزم قطر ائیر کی پرواز کیو آر605 سے دوحہ سے کراچی پہنچا تھا، ملزم جعلی ڈگری کیس میں ایف آئی اے کارپوریٹ کرائم سرکل کو مطلوب تھا۔ایف آئی اے ذرائع کا کہنا ہے کہ ملزم کے خلاف پریوینشن آف کرپشن ایکٹ کے تحت مقدمہ درج ہے۔ ملزم سے مزید تفتیش کی جارہی ہے
امریکی حکومت نے فلائٹ اٹینڈنٹ کےآرام کےدورانیےمیں اضافہ کردیا
یاد رہے کہ اس سے قبل ماہ اگست میں ایف آئی اے کارپوریٹ کرائم سرکل کراچی نے کارروائی کرتے ہوئے جعلی ڈگری میں ملوث پی آئی اے کے تین ملازمین کو گرفتار کیا تھا۔گرفتار ملازمین زاہد رضا، منظور حسین اور وحید جمالی نے جعلی ڈگری استعمال کرتے ہوئے پی آئی اے میں بطور ٹیکنیشنز اور انجینئر و ہیلپر ملازمت حاصل کی تھی
