سابق وفاقی وزیر ساتھیوں اور سپورٹرز کے ہمراہ ن لیگ میں شامل

جھنگ: سابق وفاقی وزیر مخدوم فیصل صالح حیات اپنے ساتھیوں اور سپورٹرز کے ہمراہ مسلم لیگ (ن) میں شامل ہو گئے-

باغی ٹی وی : وزیراعظم اور پاکستان مسلم لیگ(ن) کے صدر شہباز شریف شاہ جیونہ گئے جہاں سابق وفاقی وزیر مخدوم فیصل صالح حیات اپنے ساتھیوں اور سپورٹرز کے ہمراہ مسلم لیگ (ن) میں شامل ہو گئے

مخدوم اسد حیات، امیر عباس سیال، فیصل حیات جبوانہ، خالد سرگانہ، نواب بابر علی خان سیال، سید حیدر بخاری، سید علی اکبر شاہ، چوہدری خالد غنی، سید محمد عباس شاہ، صاحبزادہ غالب سلطان، صاحبزادہ ساجد سلطان، پیر نادر سلطان اور مہر نوید سدھانہ بھی موجود تھے۔
https://x.com/pmln_org/status/1740003844187398499?s=20

پریکٹس اینڈ پروسیجر ایکٹ کیس کا تفصیلی فیصلہ جاری

پاکستان مسلم لیگ (ن) کے صدر شہباز شریف کی شاہ جیونہ آمد پر فیصل صالح حیات اور ان کے ساتھیوں نے پرتپاک خیر مقدم کیا شہباز شریف نے مسلم لیگ (ن) میں شامل ہونے پر فیصل صالح حیات اور ان کے ساتھیوں کو مبارک دی فیصل صالح حیات نے قائد نواز شریف پر اعتماد کا اظہار کرتے ہوئے شہباز شریف کی آمد پر ان کا شکریہ ادا کیا، پاکستان مسلم لیگ (ن) پنجاب کے صدر رانا ثناء اللہ خاں بھی اس موقع پر موجود تھےشہباز شریف نے مخدوم فیصل صالح حیات کے ہمراہ دربار حضرت شاہ جیونہ پر حاضری بھی دی-

خواجہ آصف نے عثمان ڈار کی والدہ کو نوٹس بھجوا دیا

شہباز شریف نے کہا کہ آپ کی شمولیت سے پاکستان کی معاشی بحالی اور عوام کو مہنگائی سے نجات دلانے کی جدوجہد مزید تیز ہوگی، اپنے قائد نوازشریف صاحب سمیت مسلم لیگ (ن) کی پوری قیادت کی طرف سے نیک خواہشات اور تمنائیں لے کر آیا ہوں جب کہ فیصل صالح حیات نے 16 ماہ کی حکومت کے دوران پاکستان کو ڈیفالٹ سے بچانے اور عوام کو ریلیف دینے کی شہباز شریف کی کاوشوں کو سراہا-

بھٹو ریفرنس کی سماعت شروع ہونے پر کہہ سکتا ہوں قرض اتار دیا ہے،آصف زرداری