پیرس: فرانس کے صدر ایمانوئیل میکرون نے اسرائیل کو ہتھیاروں کی فراہمی روکنے کا مطالبہ کردیا۔
باغی ٹی وی : خبرایجنسی روئٹرز کی رپورٹ کے مطابق صدر میکرون نے کہا کہ اسرائیل کو ہتھیار دینے پر پابندی ترجیح ہونی چاہیے غزہ تنازع میں استعمال کے لیے اسرائیل کو اسلحہ فراہمی کا عمل روک دیا جائے گا تاکہ مسئلے کا سیاسی حل نکالنے کے لیے وسیع کوششیں ممکن ہوں۔
فرانسیسی صدر نے کہا کہ ہماری اولین ترجیح مسئلے کا سیاسی حل نکالنا ہے اور اس کے لیے غزہ میں لڑنے کے لیے اسلحے کی فراہمی روک دی جائے اور فرانس کی جانب سے کوئی اسلحہ نہیں بھیجا جاتا ہے اس وقت ہماری ترجیح کشیدگی روکنا ہے، لبنانی عوام کو قربان نہیں کیا جانا چاہیے اور لبنان دوسرا غزہ نہیں بن سکتا۔
رپورٹ کے مطابق فرانسیسی صدر کے اس مطالبے پر اسرائیلی وزیراعظم نیتن یاہو نے کڑی تنقید کی اور کہا کہ میکرون اور دیگر مغربی ممالک بھی مطالبہ کر رہے ہیں، اسرائیل پر ہتھیاروں کی پابندی کا مطالبہ کیا جارہا ہے، یہ کتنے شرم کی بات ہے، اسرائیل آپ لوگوں کی سپورٹ کے بغیر لڑے گا۔
پی ٹی آئی احتجاج کاتیسرا روز،انٹرنیٹ سروس معطل،میٹرو بس سروس بند
دوسری جانب اسرائیلی کی جارحیت پر لندن میں ہزاروں افراد کا بڑا احتجاجی مظاہرہ کیا گیا اور غزہ میں فوری جنگ بندی کا مطالبہ کیا گیا اس کے علاوہ فرانس میں مظاہرین نے غزہ اور لبنان میں اسرائیلی جارحیت کے خلاف احتجاجی مارچ کیا، پیرس میں فلسطینی، لبنانی پرچم لہراتے لوگوں نے اسرائیلی مظالم رُکوانے کا مطالبہ کیا،سوئیڈن میں بھی سیکڑوں افراد نے فلسطینیوں سے اظہار یکجہتی کرتے ہوئے اسٹاک ہوم کی سڑکوں پر فلسطینی پرچم تھامے جنگ بندی کا مطالبہ کیا۔
دوسری جانب اسرائیلی دارالحکومت تل ابیب میں نیتن یاہو کے خلاف اسرائیلیوں کا احتجاج جاری ہے مظاہرین کی جانب سے مظاہرے کے دوران آگ لگا کر ہائی وے بند کردی گئی اسرائیلی عوام کی پولیس کے ساتھ جھڑپیں ہوئیں جس دوران پولیس نے کریک ڈاؤن کرکے درجنوں مظاہرین کو گرفتار کیا غزہ تنازع سے نمٹنے میں ناکامی اور قیدیوں کو رہا نہ کرانے پر نیتن یاہو کے خلاف نعرے بازی کی گئی، مظاہرین کا اسرائیلی وزیراعظم نیتن ہایو سے پرزور مطالبہ ہے کہ غزہ میں جنگ بندی فوری طور پر کی جائے۔
