سابق سینئر بیورو کریٹ جی ایم سکندر قضائے الہی سے انتقال کر گئے ۔
ان کا نماز جنازہ اج مسجد امام حسین بحریہ ٹاؤن لاہور بروز بدھ بوقت 5 بجے شام بعد از نماز عصر ادا کیا جائے گا،
وزیراعظم محمد شہباز شریف نےنامور سول سرونٹ جی۔ ایم۔ سکندر کی رحلت پر اظہار افسوس کیا ہے، وزیراعظم نے مرحوم کے درجات کی بلندی اور لواحقین کے لیے صبر جمیل کی دعا کی ہے، وزیراعظم محمد شہباز شریف نے مرحوم کی 39 سال پر محیط حکومت پاکستان کے لیے گراں قدر خدمات کو خراج تحسین پیش کیا اور کہا کہ مرحوم کی تعلیمی، انتظامی اور بالخصوص سماجی شعبوں میں خدمات کو ہمیشہ یاد رکھا جائے گا۔
گورنر گلگت بلتستان سید مہدی شاہ نے سابق فیڈرل سیکریٹری جی ایم سکندر کی وفات پر گہرے دکھ کا اظہار کیا اور کہا کہ جی ایم سکندر کی گلگت بلتستان کیلئے خدمات ناقابل فراموش ہیں۔ جی ایم سکندر ایک عہد ساز شخصیت اور قوم کا سرمایہ تھا۔ وزیر اعلی گلگت بلتستان حاجی گلبر خان نے گلگت بلتستان کے سینئر بیوروکریٹ جی ایم سکندر کی وفات پر انتہائی دکھ اور افسوس کا اظہار کرتے ہوئے کہا کہ مرحوم پاکستان کی سینئر بیوروکریسی میں اپنا خصوصی مقام رکھتے تھے۔ جی ایم سکندر نے گلگت بلتستان کا نام روشن کیا
