گوجرانوالہ:گکھڑ گرڈ سٹیشن کی مین پاور کیبل کو آگ لگ گئی، کئی شہرتاریکی میں ڈوب گئے
![](https://baaghitv.com/wp-content/uploads/2024/08/Gepco.jpg)
گوجرانوالہ(باغی ٹی وی رپورٹ)گکھڑ گرڈ سٹیشن کی مین پاور کیبل کو آگ لگ گئی، کئی شہرتاریکی میں ڈوب گئے
تفصیل کے مطابق گکھڑ گرڈ سٹیشن کی مین پاور کیبل میں آگ لگنے کے باعث شہر سمیت اطراف کے علاقوں میں بجلی کا شدید بحران پیدا ہوگیا ہے۔ آگ لگنے کے نتیجے میں تقریباً 10 فیڈر ٹرپ کر گئے جس کی وجہ سے گوجرانوالہ، راہوالی، گکھڑ، وزیر آباد، سوہدرہ، احمد نگر اور علی پور کے علاقے مکمل طور پر تاریکی میں ڈوب گئے ہیں۔
شدید گرمی کی اس صورتحال میں بجلی کی عدم دستیابی کے باعث عوام کو شدید مشکلات کا سامنا ہے۔ بچے، بوڑھے اور خواتین اس گرمی میں بے چین ہیں۔ گیپکو عملہ کی جانب سے ابھی تک بجلی بحالی کے لیے کوئی خاطر خواہ اقدامات نہیں کیے گئے ہیں۔
گیپکو حکام کا کہنا ہے کہ مین پاور کیبل میں آگ لگنے کی وجہ سے فیڈر ٹرپ ہوئے اور بجلی بحالی کے لیے کام شروع کر دیا گیا ہے۔ امید ہے کہ آئندہ چند گھنٹوں میں بجلی بحال ہو جائے گی۔