نیشنل سائبر کرائم انوسٹی گیشن ایجنسی (این سی سی آئی اے) نے آن لائن جوئے کی پروموشن کے الزام میں ٹک ٹاکرز ندیم مبارک عرف نانی والا اور محمد ہریرہ کو نوٹس جاری کر دیے۔
دونوں کو 9 ستمبر کو این سی سی آئی اے لاہور میں طلب کیا گیا ہے۔ایجنسی کے مطابق ان پر الزام ہے کہ وہ غیر رجسٹرڈ اور بغیر لائسنس آن لائن ٹریڈنگ و جوئے کی ایپس کے ذریعے مالی فراڈ میں ملوث ہیں، نوجوانوں کو سرمایہ کاری پر اکساتے ہیں اور سوشل میڈیا پر ان ایپس کی تشہیر کرتے ہیں۔ مزید الزام ہے کہ انہوں نے منظم منصوبے کے تحت عوام کو قائل کر کے ان کی محنت کی کمائی لوٹنے کی اسکیم تیار کی۔
واضح رہے کہ معروف یوٹیوبر ڈکی بھائی پہلے ہی غیر رجسٹرڈ جوئے کی ایپس کی تشہیر کے مقدمے میں گرفتار ہیں۔ این سی سی آئی اے کے مطابق ڈکی بھائی نے اپنے یوٹیوب اور دیگر سوشل میڈیا پلیٹ فارمز کے ذریعے ان ایپس کی پروموشن کی، جس کے باعث کئی افراد کو مالی نقصان اٹھانا پڑا۔
سرینگر: حضرت بل درگاہ میں اشوکا کی کندہ کاری پر تنازع، تختی توڑ دی گئی
عید میلاد النبی ﷺ: قیدیوں کی سزا میں 180 روز کی خصوصی معافی منظور
ہنی مون کے دوران شوہر کا قتل، بیوی سمیت ملزمان کو سزائے موت دینے کا مطالبہ
مودی کا ٹرمپ کے بیان کا خیرمقدم، امریکا بھارت تعلقات کو مثبت قرار دے دیا
