’گیمز آف تھرونز‘ گیم کا بانی اور چینی ارب پتی گیم ڈویلپر پراسرار طور پر زہر خورانی سے ہلاک ہوگیا۔

باغی ٹی وی : برطانوی نشریاتی ادارے بی بی سی کے مطابق پولیس نے تصدیق کی ہےکہ 39 سالہ چینی ٹائیکون لِنکی کی کرسمس کے روز پراسرارموت ہوئی جو زہر کھانے سے انتقال کرگئے قیاس آرائیاں کی جارہی ہیں کہ لِنکی کو چائےمیں زہر ملاکر دیا گیا تھا۔

پولیس نے لِنکی کے ایک ساتھی پر شک ظاہر کیا ہے جس کی شناخت صرف اس کی عرفیت ژو سے ہوئی ہے۔

برطانوی میڈیا کے مطابق لِنکی کا شمار چین کی امیر ترین شخصیات میں ہوتا تھا جن کی دولت اندازاً 1.3 بلین ڈالرز ہے لِنکی کی اچانک موت پر کمپنی کے موجودہ اور سابق ملازمین نے دفتر کے باہر جمع ہوکر سوگ منایا۔

میڈیا رپورٹس کےمطابق لِنکی نے 2009 میں یوزو کمپنی کی بنیاد رکھی اور گیمنگ انڈسٹری میں انتہائی کامیابی حاصل کی لِنکی گیمز ڈیولپر کمپنی یوزو کے چیئرمین اور چیف ایگزیکٹو تھے جب کہ مقبول ترین ٹی وی شو اور ناول گیم آف تھرونز پر مبنی ‘گیم’ ان کی شہرت کی وجہ تھی۔

دوسری جانب لِنکی کی کمپنی کی جانب سے جاری بیان میں بتایا گیا ہےکہ وہ خود چند روز قبل طبیعت ناساز ہونے پر اسپتال میں داخل ہوئے تھے مگر اس وقت ان کی حالت بہتر تھی۔

پولیس کا کہنا ہےکہ لِنکی کی موت کی زیادہ تفصیلات موجود نہیں البتہ شبہ ہے کہ انہیں زہر دیا گیا ہے۔

اداکارہ چترا کامراج کے شوہر نے اداکارہ کو خود کشی پر مجبور کیا پولیس

ایک اوربھارتی اداکارہ کی لاش ہوٹل کے کمرے سے برآمد