فحاشی و عریانی کاالزام ، بہاولپور میں مقدمہ درج کر لیا گیا ،ایف آئی آر کے مطابق پنجابی گانا ’’منجی اِک تے جوانیاں دو اکٹھیاں سونا پیا‘‘ سنا جارہا تھا،ساتھ ہی مساج کی سروس بھی میسر تھی،بہاولپور،مسلم ٹاؤن، گلی نمبر 30 میں قائم ایک نام نہاد ’’ٹچ اسپا مساج سینٹر‘‘ میں پولیس نے اچانک چھاپہ مار کر فحش حرکات اور غیر اخلاقی سرگرمیوں میں ملوث متعدد افراد کو گرفتار کر لیا، جبکہ ایک شخص موقع سے فرار ہونے میں کامیاب ہوگیا۔ مقدمہ نمبر 23-26/11/2025-6929 کے مطابق کارروائی تھانہ کے عملے نے معتبر مخبر کی اطلاع پر کی۔
تفتیشی افسر زنیر علی عثمان نے اپنی ابتدائی رپورٹ میں بتایا کہ وہ اپنی ٹیم کے ہمراہ مسلم ٹاؤن کے علاقے میں معمول کی گشت پر موجود تھے کہ مخبر خاص نے اطلاع دی کہ الفاروق اسکول والی گلی میں قائم ایک مکان میں مساج سینٹر کے نام پر مرد و خواتین سے ’’کمرشل سیکشول ایکٹیویٹی‘‘ کروائی جا رہی ہے۔اطلاع ملتے ہی پولیس ٹیم موقع پر پہنچی جہاں دروازہ کھلا ہوا تھا اور اندر نیم برہنہ حالت میں مرد و خواتین کو فحش حرکات کرتے دیکھا گیا۔
موقع سے گرفتار ہونے والوں میں اسامہ اختر ولد پرویز اختر،شازمین دختر طارق،ثمینہ زوجہ محمد عاصم،نور بنت محمد مراد،بشیر ولد محمد جمشیدشامل ہیں، جبکہ وجاہت علی ولد صابر علی نامی شخص فرار ہوگیا۔
ابتدائی تفتیش کے دوران گرفتار ملزمان نے انکشاف کیا کہ وجاہت علی نے اس مکان کو ’’ٹچ اسپا‘‘ بنا رکھا تھا۔
اسامہ اختر کسٹمر تلاش کر کے لاتا اور فحش سرگرمیوں میں خواتین کو مجبور کیا جاتا۔پراپرٹی ڈیلر محمد مسلم پراپرٹی ڈیلر نے مکان کرایہ پر دیتے وقت مالک کو اصل صورتحال سے آگاہ نہیں کیا۔مکان کا کوئی کرایہ نامہ تحریری طور پر موجود نہیں تھا اور نہ ہی پولیس اسٹیشن میں اندراج کروایا گیا تھا۔پولیس نے موقع سے ایک موبائل فون، میوزک سسٹم اور دیگر مواد قبضے میں لے لیا جو فحش سرگرمیوں میں استعمال ہو رہا تھا۔ پولیس کے مطابق ملزمان نے کھلے عام فحش گانے چلا کر، نیم برہنہ حالت میں حرکات کر کے اور عوامی جذبات مجروح کر کے معاشرتی ماحول کو شدید نقصان پہنچایا۔تفتیشی افسر کے مطابق مقدمہ درج کر کے ملزمان کو تھانہ منتقل کر دیا گیا ہے جبکہ فرار ملزم وجاہت علی کی گرفتاری کے لیے چھاپے جاری ہیں۔ مالک مکان اور پراپرٹی ڈیلر کی جانب سے بھی قانونی کارروائی کی جائے گی۔واقعے کی مزید تفتیش جاری ہے۔
