Ayesha Rehmani
پشاور: خیبر پختونخوا مائنز اینڈ منرلز ترمیمی بل 2025 کے معاملے پر پی ٹی آئی رہنماؤں علی امین گنڈا پور اور عاطف خان کے درمیان لطفطی جنگ چھڑ گئی-
باغی ٹی وی : ذرائع کے مطابق مائنز اینڈ منرلز ترمیمی بل پر وزیر اعلیٰ کے پی علی امین گنڈا پور اور عاطف خان کی پارٹی واٹس گروپ میں تلخ کلامی ہوئی،عاطف خان نے پی ٹی آئی پارلیمنٹرینز کے واٹس ایپ گروپ میں مائنز اینڈ منرلز ترمیمی بل کی مخالفت کی اور کہا کہ بل خیبر پختونخوا کے عوام کے حق میں نہیں ہے۔
ذرائع کے مطابق علی امین گنڈا پور نے جواب میں کہا کیا آپ نے بل پڑھا ہے؟ اگر انگریزی نہیں آتی تو بل کی اردو کاپی بھیج دوں گا، مائنز اینڈ منرلز ترمیمی بل میں کوئی مسلہ نہیں، مسئلہ آپ کا ذاتی ہے جبکہ عاطف خان نے پارٹی واٹس ایپ گروپ میں علی امین گنڈاپور کو کوئی جواب نہیں دیا۔
حسن علی کراچی کنگز کے نائب کپتان منتخب
قبل ازیں خیبر پختونخوا کے مشیر اطلاعات بیرسٹر محمد علی سیف نے کہا تھا کہ مائینز اینڈ منرلز ایکٹ میں مجوزہ ترامیم کے خلاف مافیا سرگرم ہے، جو وزیراعلیٰ خیبرپختونخوا کے اصلاحاتی ایجنڈے کو سبوتاژ کرنے کی ناکام کوشش کررہے ہیں۔
بیرسٹر سیف نے مجوزہ ترمیمی بل کی مخالفت کو عوام دشمنی قرار دیا اور کہاکہ وزیراعلیٰ علی امین گنڈاپور مائنز اینڈ منرلز کے شعبے کو مافیا کے چنگل سے آزاد کرانا چاہتے ہیں،جو مجوزہ ترامیم کے خلاف پروپیگنڈا کرکے اپنے مذموم مقاصد حاصل کرنا چاہتا ہے۔
قربانیوں کے باوجود فلسطینیوں کے حوصلے بلند ہیں، قاری یعقوب شیخ
مشیر اطلاعات نے کہا کہ ہم وفاقی حکومت کو تسلیم ہی نہیں کرتے، تو صوبائی اختیارات وفاق کو کیسے دے سکتے ہیں؟ مینڈیٹ چوروں کو صوبائی اختیارات دینے کا سوال ہی پیدا نہیں ہوتا وزیر اعلیٰ خیبر پختونخوا کا واضح مؤقف ہے کہ کسی بھی شعبے میں مافیا کے سامنے گھٹنے نہیں ٹیکے جائیں گے مجوزہ ترامیم کا مقصد مائینز اینڈ منرلز کے شعبے کو مضبوط اور مزید منافع بخش بنانا ہے ، مجوزہ ترامیم کوئی خفیہ معاملہ نہیں، انہیں اسمبلی میں پیش کیا جائے گا اور اپوزیشن کی رائے بھی لی جائے گی۔
شاہ رخ خان کے ساتھ موازنہ،اروشی روٹیلا کو اداکار کے مداحوں نے آڑے ہاتھوں لے لیا
