وزیراعلیٰ خیبرپختونخوا علی امین گنڈاپور کے مستعفی ہونے اور سہیل آفریدی کو نیا وزیراعلیٰ نامزد کرنے کے بعد صوبے میں سیاسی ہلچل تیز ہوگئی ہے۔
قائد حزبِ اختلاف ڈاکٹر عباد اللہ متحرک ہوگئے ہیں اور انہوں نے کل پارلیمانی کمیٹی کا اجلاس طلب کر لیا ہے۔ اپوزیشن لیڈر کے ترجمان کے مطابق اجلاس میں وزیراعلیٰ کے استعفے کے بعد پیدا ہونے والی سیاسی صورتحال کا جائزہ لیا جائے گا اور آئندہ کی حکمتِ عملی پر غور کیا جائے گا۔ اپوزیشن اراکین کو تجاویز پیش کرنے کی ہدایت بھی دی گئی ہے۔واضح رہے کہ پاکستان تحریک انصاف کے سیکریٹری جنرل سلمان اکرم راجا نے آج وزیراعلیٰ کی تبدیلی کی تصدیق کرتے ہوئے کہا تھا کہ علی امین گنڈاپور کی جگہ سہیل آفریدی امیدوار ہوں گے۔
انہوں نے اڈیالہ جیل کے باہر میڈیا سے گفتگو میں بتایا کہ علی امین گنڈاپور نے علیمہ خان پر سنگین الزامات عائد کیے تھے اور پارٹی میں تقسیم کا ذمہ دار بھی انہیں قرار دیا تھا۔
منڈی بہاؤالدین: پنجاب فوڈ اتھارٹی کی کارروائی، بیمار و مردار جانوروں کا 500 کلوگرام گوشت برآمد
چکلالہ گیریژن میں لیفٹیننٹ کرنل جنید طارق اور میجر طیب راحت کی نمازِ جنازہ ادا
