Ayesha Rehmani
چنیوٹ: گندم کی کم قیمت پر خریداری اور کسانوں کے معاشی استحصال کے خلاف کاشتکار ڈپٹی کمشنر آفس کے باہر سراپا احتجاج ہیں-
باغی ٹی وی : احتجاج میں صدر بار ایسوسی ایشن فضل کالرو سمیت کسانوں نے شرکت کی،مظاہرین کا کہنا ہے کہ حکومت پنجاب کی ناقص حکمت عملی کے وجہ سے کسانوں کا معاشی استحصال کیا جا رہا ہے،ایک تو گندم کی قیمت کم کی گئی دوسرا حکومت کی جانب سے گندم خریداری کا ہدف بھی کم کر دیا گیا۔
مظاہرین نے مزید کہا کہ اس وقت کسان سے 2800 سے لے 3300 روپے تک گندم خریدی جا رہی ہے جو سراسر ظلم ہےاگر ایسے ہی چلتا رہا تو کسان بددل ہو کر گندم کی بجاے دوسری فصلوں کی طرف توجہ کر لیں گے جس سے قحط سالی کا خدشہ پیدا ہو سکتا ہے کسان مہنگے داموں بجلی، ڈیزل کھاد سمیت دیگر چیزیں خرید کر فصل کاشت کرتے ہیں جس کا پورا معاوضہ بھی نہیں دیا جا رہا۔
جوڈیشل کمپلیکس توڑ پھوڑ کیس : تفتیشی افسر سےعمران خان سمیت دیگر ملزمان کے موبائل …
مظاہرین نے کہا کہ حکومت پنجاب کی جانب سے جاری کردہ باردانہ ایپ غیر فعال ہونے کی وجہ اکثر کاشتکاروں کی درخواستیں رہ گئی ہیں، ہمارا مطالبہ ہے کہ گندم کی قیمت 5000 فی من مقرر کی جائے تاکہ کسانوں کا معاشی استحصال بند ہو سکے،اگر ہمارے مطالبات پورے نہ ہوے تو پنجاب اسمبلی کے باہر احتجاج کریں گے۔
واضح رہے کہ پنجاب میں گندم کی فصل کٹ کر منڈیوں میں پہنچنا شروع ہوگئی تاہم کم قیمت پر فروخت نے کسانوں کو پریشان کردیا ہے صوبائی حکومت کی طرف سے گندم کی خریداری نہ ہونے کی وجہ سے سرکاری ریٹ سے بھی کم قیمت پر گندم فروخت ہونے لگی ہے۔
سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
اس ھوالےسے وفاقی وزیر نیشنل فوڈ سکیورٹی رانا تنویر حسین نے قومی اسمبلی کو بتایا کہ گندم کی امپورٹ نگران حکومت کے دور میں ہوئی،اس پر وزیراعظم نے انکوائری کا حکم دیا ہے،پنجاب حکومت کی جانب سے فی الفور گندم خریداری نہ کرنے کی وجہ نمی ہے، دوسری جانب قومی اسمبلی میں حکومتی اور اپوزیشن اراکین کا گندم کی سپورٹ پرائس کم مقرر کرنے پر اتفاق ہوگیا ہے۔
